Teatr • 10 Aqpan, 2021

Tálimi kóp týyndy

95 ret kórsetildi

Attaı bir jyl úzilisten soń «Astana Musical» memlekettik teatrynyń jańa maýsymy «ENT tapsyrmaımyn!» atty premeramen ashyldy. Drama janryndaǵy jańa týyndy belgili dramatýrg L.Razýmovskaıanyń «Qymbatty Elena Sergeevna» atty shyǵarmasyna negizdelgen.

Rejısser, teatrdyń kórkem­dik jetekshisi Eslám Nurtazın­niń aıtýynsha jańa týyndy óske­leń urpaqqa adamgershilik qun­­dylyqtardy nasıhattaýǵa ba­ǵyt­talǵan.

– Qazirgi jastardyń túsi­ni­gine saı bolýy úshin L.Razýmov­skaıanyń «Qymbatty Elena Ser­geevna» atty ataqty pesasyn búgingi kúnge laıyqtap, ózgertip sah­naladyq. О́tken ǵasyrdyń 80-jyldary jazylǵan pesa­nyń mazmunyn jastardyń qazir­gi ózekti máselelerimen baılanystyra otyryp, qoıylymnyń ataýyn «ENT tapsyrmaımyn» dep qoıdyq. Jańa formatta ór­bigen drama jasóspirimderdi UBT tapsyrmaýǵa úgittemeıdi. Qo­ıy­lymnyń maqsaty – jas­tar­dy essiz áreketterden týyndaı­tyn kúrdeli máselelerden abaı bo­lýǵa, olarǵa der kezinde tó­tep berýge shaqyrý jáne adamger­shi­lik qundylyqtardy dáripteý, – dep jetkizdi Eslám Nurtazın.

Qoıylymnyń qalyń kópshi­liktiń kóńilinen shyqqanyn kó­rermen yqylasy ańǵartty. Se­nat depýtaty, belgili jýrnalıst Da­na Nurjigit ótken dáýir men búgin­gi shaq ótkelderin salystyra oty­ryp, bıik ustanymdaǵy adam bolýdyń qaı zamanda da ma­ńyzdy dúnıe ekendigin atap ótti.

– Jalpy, bul shyǵarma maǵan tanys. 1988 jyly shyqqan E.Rıa­zanovtyń «Dorogaıa Elena Ser­geevna» degen fılmin bárimiz kórdik. Men ol kezde sol L.Razý­mov­skaıanyń pesasyndaǵy ke­ıip­kerlermen jasty urpaqtyń bir ókili boldym. Sol ýaqytta da fılm adamdarǵa biraz oı sal­ǵan. Keleshegimiz qandaı bolady, bolashaq urpaqtyń máńgilik qundylyqtarǵa degen kózqarasy men ustanymy qandaı bolady degen suraqqa jaýap izdeýdiń bir joly osy pesa arqyly júr­gen dep aıtqym keledi. Minekı, 32-33 jyldyń ishinde máńgilik qun­dylyqtar ózgergen joq. Mu­ǵalim – izgiliktiń, meıirimdi­lik pen adamı qundylyqtardyń shy­raqshysy, sonyń eń bıik úlgisi bolyp qala berý kerektigin búgin­gi qoıylym taǵy bir dáleldeı tús­ti. Bul pesa sıfrly tehnologııalar kelgen dáýirde jańa bir reńk qosqan sııaqty. Zaman odan saıyn qatygez, talapshyl bolyp bara jatyr. Sondyqtan osy kúrdeli zamanda adam bo­lyp qalýdy paryz tutatyn, osyn­daı bıik ustanymy bar jas­tardy tárbıeleý mańyzdy. Pa­ra­sattyń maıdanynda izgilik úshin kúresýge daıyn sarbazdar kóp bolsa eken dep tilegim keledi, – dedi Dana Nurjigit. Al «Habar» Agenttigi» AQ Bas­qar­ma tóraǵasynyń birinshi oryn­basary Rınat Kertaev qoıy­­lym­­­­da búgingi qazaq qoǵamynda bo­­­lyp jatqan kertartpa dúnıeler, kó­keıkesti máseleler erekshe kó­ri­nis tapqanyn, avtorlar ózek­ti dúnıelerdi úlken sahnaǵa sát­ti alyp shyqqandyǵyn jetkizse, pre­merany tamashalaýǵa kel­­­gen halyqaralyq jýrnalıst, bel­­gi­­li telejúrgizýshi Baqyt Shoıym­bek te týyndy mazmunynan ­bú­gingi zamandastar beınesine kýá bol­ǵandyǵyn atap ótti.

Kásibı sheberligimen tánti et­ken belgili aktrısa Aınur Bermu­hambetova basty róldi somdasa, oqýshylardyń obrazdaryn Ádilet Abdýkadırov, Saıat Maqulbaev Medet Ra­hym­bergenov, Aına Ábdikári­mova, Ardaq Smaǵul, Arnat Jamash, Erkebulan Serik­baı syndy jas ak­terler usyn­dy. Pesany aýdarǵan – Esim Segizbaev, qoıý­shy-sýretshi – Er­lan Tuıaqov. Pan­demııa ónerge kedergi emes ekendigin taǵy bir dálel­deı tús­ken «Astana Musical» teat­ry ártisteri ónerlerin shyń­­­dap, aldaǵy ýaqytta kó­rer­­­menge taǵy da kóptegen ja­ńa týyn­dylardy usynbaq. Uıym­das­ty­rý­­shylardyń aıtýyn­­sha, aqpan aıy qyzyqty preme­ra­larǵa to­ly bolmaq!

 

Sońǵy jańalyqtar

15169 adam koronavırýs juqtyrdy

Koronavırýs • Keshe

Uqsas jańalyqtar