Májilistiń jalpy otyrysynda atalǵan zań jobasyna Parlament depýtattary bastamashylyq etkeni aıtyldy.
«Qazirgi kezde qyzmetkerlerdi qashyqtan jumys isteýge aýystyrý tájirıbesi eńbek zańnamasyn jetildirý qajettiligin kórsetti. Osyǵan baılanysty zań jobasy qashyqtan jumys isteýge baılanysty eńbek qatynastaryn retteýdi kózdeıdi. Ýaqytsha jáne aralas jumys, jumys kestesin, jumys ýaqytyn, qyzmetker men jumys berýshiniń jaýapkershiligin belgileý sııaqty jańa jumys rejimderin engizý usynylady», dedi Májilistiń Áleýmettik-mádenı damý komıtetiniń tóraıymy, depýtat Jámılá Nurmanbetova.
Jámılá Nurmanbetovanyń aıtýynsha, jalpy alǵanda, zań jobasynyń qoldanylýymen oń quqyqtyq jáne áleýmettik-ekonomıkalyq saldarlar kútiledi.
«Komıtet zań jobasy boıynsha 2021 jylǵy 22 jeltoqsanǵa deıingi merzimde qorytyndy ázirleýge daıyn», dedi J.Nurmanbetova.
