2021 jyldyń 10 aqpanyndaǵy jaǵdaı boıynsha ýákiletti operatorlardan («Otbasy bank» jáne «Qazaqstan Halyq banki») turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 104 076 ótinish túsken.
«Onyń ishinde 36,8 mlrd teńgeden asa somaǵa 6 824 ótinish ýákiletti operatorlarda ashylǵan arnaıy shottarǵa keıinnen tólemder jasaý úshin óńdelýde. Zań talaptaryna sáıkes kelmeýine baılanysty 32 870 ótinish qabyldanbady. Jalpy somasy 350 mlrd teńgege 64 382 ótinish oryndaldy, atalǵan soma ýákiletti operatorlarǵa aýdarylyp, ótinish berýshilerdiń arnaıy shottaryna esepteldi. Tólemderdiń ortasha somasy shamamen 5,4 mln teńge» delingen BJZQ habarlamasynda.
Birjoly zeınetaqy tólemin alý boıynsha qazirgi kezde Almaty qalasy kósh bastap kele jatyr. olarǵa alynǵan búkil qarjynyń 20,6 paıyzy tıesili bolsa, ekinshi oryndaǵy Nur-Sultan qalasyna 16,7, úshinshi oryndaǵy Mańǵystaý oblysyna 14,6 paıyz tıesili.
