Kardıologııa jáne ishki aýrýlar ǴZI operasııa jasaý blogy men jasandy qanaınalym zerthanasy bar kardıohırýrgııa bólimshesinde kardıohırýrgııalyq operasııalardyń barlyq túrleri jasalady.
2020 jyly tegin medısınalyq kómektiń kepildik berilgen kólemi men MÁMS sheńberinde 328 kardıohırýrgııalyq operasııa jasaldy. Bul 2019 jylmen salystyrǵanda 93 kóp.
Kardıohırýrgııa bólimshesiniń meńgerýshisi Rústem Tóleýtaevtyń aıtýynsha, júrek yrǵaǵy buzylystarynyń eń kóp taralǵan túri men qaýiptisi –júrek kemistigi jáne júrektiń ıshemııalyq aýrýlarymen jıi birigetin júreksheler fıbrıllıasııasy.
Mundaı jaǵdaılarda júrek aqaýlaryn júrek qaqpaqshalaryna plastıka qoıý jáne almastyrý nemese koronarlyq shýnttaý –pasıenttiń ómir súrý sapasyn qalpyna keltire qoımaıdy. Olardyń ómir súrý sapasy júrek kemistigi, JIA jáne júreksheler fıbrıllıasııasyn bir mezette emdegen jaǵdaıda ǵana jaqsarady.
«2020 jyldan bastap bizdiń bólimshede júrektiń qaqpaqsha kemistigi nemese ıshemııalyq aýrýymen birge júrek yrǵaǵynyń buzylystaryn emdeý úshin ashyq júrekke krıoablıasııa operasııasy jasalyp keledi.Qazirgi tańda pasıentterdiń aýyr sanatyna kómektese otyryp, biz osy tehnologııany sátti qoldanyp kelemiz», deıdi Rústem Tóleýtaev.
Rústem Tóleýtaevtyń aıtýynsha, kardıohırýrgtar komandasynyń tájirıbesi júrekke eń kúrdeli operasııalardy jasaýǵa múmkindik beredi. Júreksheniń sol jaq qulaqshasyn klıpteı otyryp torakospııalyq radıojıilikti ablıasııa, sonymen qatar júrekshe fıbrıllıasııasy jáne tromboembolııalyq asqynýlary men ınsýlttiń joǵary qaýpi bar pasıentterge oqshaýlanǵan torakospııalyq klıpteý operasııalary jasalady. Júrek isigi bolǵan jaǵdaıda operasııalar standartty da,sonymen birge keýdeni kespeı azınvazıvti ádispen de jasalady.
«Kardıohırýrgııa bólimshesiniń aortokoronarlyq shýnttaý kezindegi taǵy bir ereksheligi – shýnttar boıynsha qan aǵymyn ólsheý jáne operasııa kezinde olardyń sapasyn anyqtaý, bul shýnttar jumysynyń uzaq merzimdiligine kepildik berýge yqpal etedi.
Qosalqy patologııasy bar pasıentterde kezdesetin kúrdeli jaǵdaılarda, standartty tehnologııalardy qoldaný joǵary qaýippen baılanysty bolǵan kezde, jasandy qanaınalymnyń «jabyq kontýry» jańa tehnologııasyn qoldana otyryp operasııalar jasalady. Mundaı operasııalar qaýipterdi azaıtýǵa jáne operasııadan keıin pasıenttiń densaýlyǵyn qalpyna keltirýge múmkindik beredi», deıdi dáriger.
