Bul týraly Atyraý oblysy boıynsha qylmystyq-atqarý júıesi departamentiniń baspasóz qyzmeti málim etti.
«Máselen, qańtarda 38 jastaǵy qala turǵyny tergeý ızolıatorynda urlyq jasaǵany úshin sotqa deıin ustalyp otyrǵan tanysyna 3 uıaly telefon, 2 dana qulaqqap pen ınternet-modem bermek bolǵan. Sondaı-aq, 23 jastaǵy jigit te tergeý ızolıatorynda otyrǵan dosyna 4 uıaly telefondy azyq-túliktiń arasyna jasyryp, ótkizbek bolǵan. Al aqpanda 55-jastaǵy áıel «Tramadol» dárilik zatyn tamaqqa tyǵyp ótkizbek bolǵany anyqtaldy»‚ deıdi kúzet jáne rejım bóliminiń bastyǵy Asylbek Rahmanov.
Onyń aıtýynsha, Atyraý qalalyq mamandandyrylǵan ákimshilik sotynyń qaýlysymen túrmege zańsyz sálemdeme ákelgenderge eskertý, aıyppul salý túrindegi jazalar qoldanyldy.
