Aımaqtar • 14 Aqpan, 2021

Baqyt Sultanov Maqtaaral aýdanyna jumys saparymen bardy

128 ret kórsetildi

Qazirgi tańda Maqtaaral aýdanyn kórshi elmen baılanystyryp turǵan 3 shekara ótkizý beketi jumys jasaıdy. Atap aıtqanda, "Atameken" kedendik beketi men "Syrdarııa", "Selınnyı" shekara ótkizý beketteri arqyly kúnine júzdegen jeńil kólikter men júk kólikteri barys-kelis jasaıdy, dep habarlaıdy Egemen.kz

Maqtaaral aýdany О́zbekstannyń Syrdarııa jáne Jyzaq oblystaryndaǵy 4 aýdanmen shektesedi. Osyndaı geografııalyq múmkindikti paıdalanyp aýdanda О́zbekstan Respýblıkasymen saýda-sattyqty damytý úshin halyqaralyq saýda keshenin qurý óte mańyzǵa ıe.

Qazaqstan Respýblıkasynyń Tuńǵysh Prezıdenti, Elbasy N.Á.Nazarbaev 2018 jyly "Ortalyq Azııa" halyqaralyq saýda ekonomıkalyq yntymaqtastyq ortalyǵyn qurý týraly tapsyrma bergen bolatyn. Aǵymdaǵy jyldyń 26-qańtarynda Qazaqstan Respýblıkasynyń Prezıdenti Qasym-Jomart Toqaevtyń tóraǵalyǵymen Úkimettiń keńeıitlgen otyrysynda Úkimet basshysyna "Ortalyq Azııa" halyqaralyq saýda ekonomıkalyq yntymaqtastyq ortalyǵyn qurý máselesin jedeldetýdi tapsyrdy.

Osyǵan baılanysty kúni keshe Qazaqstan Respýblıkasynyń Saýda jáne ıntegrasııa mınıstri Baqyt Sultanov jáne oblystyq kásipkerlik jáne saýda basqarmasynyń basshysy Nurbaqyt Imanqulov Maqtaaral aýdanyna jumys saparymen kelip, shekara mańyndaǵy beketterdiń jumysymen tanysty. Mınıstrdiń is-saparyna О́zbekstan Respýblıkasynyń osy salaǵa jaýapty vıse-mınıstrleri de qosyldy.  

1

Mınıstr men basqarma basshysy "Selınnyı" jáne "Syrdarııa" shekara ótkizý beketterin arnaıy baryp kórip, halyqaralyq saýda ortalyǵyn qurý úshin nysandardyń múmkindikterin qarap shyqty. Aýdan ákimi Baqyt Asanov beketterdiń jumysy men múmkindikteri týraly keńinen baıandady. Máselen, "Selınnyı" shekara ótkizý beketine jaqyn mańda "Sapar" saýda bazaryn halyqaralyq deńgeıde damytýǵa bolatynyn aıtty.

"Maqtaaral aýdanynda Uly jibek jolynyń bir tarmaǵy sanalatyn M-39 "Tashkent – Termez" baǵytyndaǵy magıstral dálizi bar. Osy avtomobıl jolynyń potensıalyn paıdalanyp, óńirde saýda-sattyqty joǵary deńgeıde damytýǵa múmkindigimiz zor. Máselen, bir kezderi halyqaralyq deńgeıde qyzmet kórsetken betonkanyń boıyndaǵy "Sapar" bazaryn halyqaralyq deńgeıde qaıtadan damytsaq – óńirde myńdaǵan adamdy jumyspen qamtı alamyz" - dedi Baqyt Nasyrhanuly.

Jalpy Edige Rahymberdıevke tıesili "Sapar" bazarynda modernızasııalaý jumystary 2019 jyly júrgizilgen bolatyn. Ol úshin kásipkerdiń jeke esebinen 100 mıllıon teńgeden asa qarajat jumsaldy. Sonyń arqasynda tutynýshylarǵa jaǵdaı jasalyp, qosymsha 100 adam jumyspen qamtylǵan bolatyn. 

Mınıstrdiń sońǵy aıaldaǵany – "Atameken" kedendik beketi. Buǵan deıin kórshi elge ótpekshi bolǵan júk kólikteri kedendik beket mańynda kepteliske ushyrap, jol qatynasyn qıyndata túsken edi. Máseleni sheshý úshin aýdan ákimi B.Asanovtyń bastamasymen kedendik bekettiń aımaǵyn kóriktendirý, kógaldandyrý, keńeıtý jospary jasaldy. Atap aıtqanda, shekara mańynan saýda logıstıkalyq ortalyǵyn qurý, onyń ishinde saýda bazarlary, qonaq úı, avtoturaq, qoımalar, turǵyn úıler men túrli sporttyq alańshalardy salý kózdelgen bolatyn. Qazirgi tańda avtoturaq paıdalanýǵa berilgen. Sonymen qatar, kásipkerlerdiń esebinen basqa da nysandar salynýda.

Jumys saparynyń sońynda barlyq mán-jaıǵa qanyq bolǵan mınıstr Baqyt Turlyhanuly "Ortalyq Azııa" halyqaralyq saýda ortalyǵyn qurý úshin tańdalatyn beket týraly jan-jaqty zerttelip, jospar qurylyp, sheshim shyǵarylatynyn aıtty. 

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar