«Is-shara kezinde 88 ákimshilik quqyqbuzýshylyq anyqtalyp, 82 ata-ata men 6 jeke tulǵa jaýapkershilikke tartyldy. Ishki ister organdaryna kámeletke tolmaǵan 79 jasóspirim ákelindi. Sondaı-aq, 2 oqýshynyń tóbelesýi saldarynan aýdandyq aýrýhanaǵa júgingeni belgili boldy. Tóbelesken oqýshylardy medısına qyzmetkeri qaraǵan. Biraq, densaýlyq saqtaý salasy qyzmetkeriniń ákimshilik quqyqbuzýshylyq deregin polısııa organdaryna ýaqytyly habarlamaǵany anyqtalyp otyr. Osyǵan oraı medısına qyzmetkerine qatysty QR Ákimshilik quqyqbuzýshylyq týraly Kodeksiniń 127-babynyń 1-bóligimen ákimshilik hattama toltyrylyp, sotqa joldandy», dep habarlady departamenttiń baspasóz qyzmeti.
Al ıývenaldy polısııa ınspektorlary 45 qolaısyz otbasy men ártúrli sanatpen esepte alynǵan kámeletke tolmaǵan 18 jasóspirimge turǵylyqty meken-jaıy boıynsha tekserdi. Turmystyq zorlyq-zombylyq derekteriniń aldyn alý maqsatynda 45 qolaısyz otbasymen profılaktıkalyq túsindirý júrgizdi.
«Bala tárbıesimen aınalyspaı, júıeli túrde alkogol ishimdigin paıdalanýshy retinde esepke turǵannyń biri – 1982 jyly týǵan turǵyn. Aýdan turǵynynyń kámeletke tolmaǵan balalarynyń kózinshe ishimdik ishkeni anyqtalyp, oǵan qatysty QR Ákimshilik quqyqbuzýshylyq týraly Kodeksiniń 127-babymen ákimshilik hattama toltyryldy. Ishki ister organdarynyń esebine kámeletke tolmaǵan 11 jasóspirim men 7 qolaısyz otbasy alyndy», dep málim etti baspasóz qyzmetinen.
