«Ishki ister mınıstrligi memlekettik qyzmet kórsetý prosesterin ońaılatý, olardyń sapasy men halyqqa qoljetimdiligin arttyrý boıynsha jumystardy jalǵastyryp keledi. О́tken jyly mınıstrlik qurylymdary 9 mıllıonǵa jýyq memlekettik qyzmet kórsetti. Búginde ishki ister organdary kórsetetin 40 qyzmettiń 38-i nemese 95 paıyzy avtomattandyrylǵan», dedi resmı ókil onlaın rejımdegi brıfıngide.
Olardyń ishindegi kóp suranysqa ıe – avtokólikti tirkeý, oǵan 2 mıllıon 366 myń adam júgingen.
«2 mıllıonnan astam azamatqa jeke basty kýálandyratyn qujat berildi. Mıllıonǵa jýyǵy júrgizýshi kýáligin alǵan. 2 mıllıonnan astam qazaqstandyq turǵylyqty jeri boıynsha tirkeldi. Ishki ister mınıstri Erlan Turǵymbaev atap ótkendeı, IIM-niń Memlekettik qyzmet kórsetý salasyndaǵy eń basty ustanymy – qyzmetterdi avtomattandyrý, jedeldiligin arttyrý, ashyqtyǵyn qamtamasyz etý jáne sybaılas jemqorlyqty azaıtý bolyp tabylady», - dedi N. Oraz.
