Dárigerler ájeıdi teksere kele, aıaǵyndaǵy urshyqtyń synǵanyn anyqtap, shuǵyl túrde ota jasaýǵa sheshim qabyldaǵan. Bir saǵat kóleminde jasalǵan ota kezinde travmatologtar ájeıdiń synǵan urshyq ornyna bloktaýshy temir qoıyp berdi. Qart kisiniń jasyn eskergen medısına mamandary operasııany pyshaqsyz, ıaǵnı jabyq ota jasady.
Bilikti mamandar jasaǵan operasııa sátti ótip, 93 jastaǵy ájeı ekinshi táýlikte aıaǵyn basty. Qazir qart kisiniń jaǵdaıy jaqsy, aýrýhanadaǵy dárigerlerdiń baqylaýynda.
«Aýrýhanaǵa túsken ájeıdiń aıaǵyn rentgen apparatyna túsirgende urshyǵy synǵany anyqtaldy. Keıin birden ota jasap, synǵan urshyqty temirmen bekitip berdik. Ázirshe bir aptadaı azamatsha bizdiń baqylaýymyzda bolady», dedi travmatolog Ashat Abdýmalıkov.
