Atyraý oblysy boıynsha qylmystyq-atqarý júıesi departamenti baspasóz qyzmetiniń aqparatyna qaraǵanda, túrmelerge arnaıy termınal oblystyq prokýratýramen birlesip ornatylypty. Endi sottalǵandar termınaldardan saýsaq izi arqyly quqyq qorǵaý organdaryna shaǵym nemese ótinish qaldyryp, úsh kúnde jaýap alatyn bolady.
«Termınaldar sottalǵandarǵa qoljetimdi jerge qoıyldy. Sottalǵandar jibergen aryz-shaǵymdar birden prokýrorǵa nemese ózge de quqyqqorǵaý organdaryna túsedi. Iаǵnı mekeme ákimshiligi aralasa almaıdy. Máselen, azaptaýǵa qatysty aryz-shaǵymdar sybaılas jemqorlyqpen kúres qyzmetine joldansa, qyzmet ókilettikterin asyra paıdalanýǵa baılanysty shaǵym polısııa departamentiniń ózindik qaýipsizdik bólimshesine jiberiledi. Shaǵym nemese ótinish túsirgen sottalǵannyń jeke basyn anyqtaý saýsaq izderi arqyly iske asyrylady. Al shaǵymdy qaraý jáne sheshim qabyldaý prosesin onlaın baqylaýǵa múmkindik bar», deıdi Atyraý oblysy boıynsha qylmystyq-atqarý júıesi departamentiniń bastyǵy Manarbek Ǵabdýllın.
Onyń aıtýynsha, barlyq mekemedegi sottalǵandarǵa termınaldy qoldaný tártibi túsindirilipti. Sondaı-aq aryz-shaǵymdardy mekemelerdiń senim telefony arqyly da qaldyrýǵa bolady.
