Ol 22 jyldan beri aýyr dertke shaldyqqan balalardy emdep keledi. Bir jyl ishinde eki myńnan asa balany aýyr dertten aıyǵýyna kómektesken dárigerdi arnaıy izdep kelip em alýshy naýqastar kóp. Halyqtyń qurmeti men yqylasyna bólengen medısına ǵylymynyń magıstri 2019 jyly «EL QURMETI» tósbelgisimen marapattaldy.
Gýljahan Saıdýllaqyzy joǵarǵy tehnologııalardy qoldana otyryp, sapaly medısınalyq qyzmet kórsetý arqyly balalardyń densaýlyǵyn jaqsartý maqsatynda eńbek etýmen qatar, ózin damytýdy qatar alyp júrgen.
2017 jyly Sankt-Peterbýrg qalasynda «Júıke-bulshyqet patologııasynyń dıagnostıkasy men emdeýiniń zamanaýı tujyrymdamalary» halyqaralyq ǵylymı konferensııasynda tájirıbe almasyp, óz biliktiligin shyńdaǵan. Dárigerdiń búginge deıin 42 ǵylymı jáne ádistemelik eńbegi jaryq kórgen.
Qazirgi tańda óz mamandyǵyna berilgen aq halatty abzal jan balalar saýlyǵy úshin ǵylymı izdenis jolyn jalǵastyryp keledi.
