Sonymen qatar medısınalyq qyzmetkerler Densaýlyq saqtaý mınıstrliginiń uıymdastyrýymen Qytaı, Reseı mamandarynan onlaın formatta tájirıbe almasqan.
Túrkistan oblystyq qoǵamdyq densaýlyq basqarmasynyń basshysy Marat Pashımovtyń aıtýynsha, Reseıdiń Sankt-Peterbýrg, Novosıbırsk qalalaryndaǵy joǵarǵy oqý oryndarymen úzdiksiz bilim berý jóninde áriptestik baılanys ornatylǵan. Dárigerlerge sońǵy tehnologııalardy meńgertip, naýqastardy emdeıtin mamandardy daıyndaý maqsatynda oblystyq balalar aýrýhanasynda arnaıy trenıng ortalyqtarynda 728 medısınalyq qyzmetker oqytyldy. Pandemııa tusyndaǵy negizgi aýyrtpalyq medısına qyzmetkerlerine túskeni belgili. Indet juqtyrǵandardy emdep, óz ómirin qaterge tikken aq halatty abzal jandardyń eńbegi eren. Osynaý syn saǵatta halqy tyǵyz qonystanǵan Túrkistan óńirindegi medısına salasynyń jumysyn uıymdastyryp, jaǵdaıdyń turaqtylyǵyn qamtamasyz ete bilgen qoǵamdyq densaýlyq basqarmasynyń basshysy Marat Pashımov Elbasy Nursultan Nazarbaevtyń Alǵys hatymen marapattaldy.
Aıta ketelik, jalpy oblysta 5300 dáriger jáne 18600-ǵa jýyq meıirbıke bar. Aqpan aıynyń basynan beri 1200-ge jýyq medısına qyzmetkeri COVID-19-ǵa qarsy ekpe saldyrdy.
