Darhan Qydyráli qoǵamdaǵy sybaılas jemqorlyqqa qarsy mádenıet qalyptastyrý taqyrybynda órbigen ashyq dıalogta jemqorlyqpen kúreste buqaralyq aqparat quraldarynyń jaýapkershiligi týrasynda aıtyp ótti.
«Qazirgi aqparat aǵynynda jurtshylyq jemqorlyq faktileri týraly der kezinde habardar bolyp otyrady. Odan tilshiler qaýymynyń belsendi jumys istep júrgenin ańǵarýǵa bolady. Sybaılas jemqorlyq – qoǵamnyń jegi qurty. Keń taraǵan indet. Al indetpen kúresýde tek saldaryna úńilmeı, sebebimen kúresý mańyzdy. Bul turǵyda BAQ-qa úlken jaýapkershilik júktelgen. Sondyqtan biz «Egemen Qazaqstan» gazetinde «Adaldyq alańy» dep atalatyn jańa aıdar ashýdy josparlap otyrmyz», dedi ol.
Aıta keteıik, «AntikorLive» jobasy QR Sybaılas jemqorlyqqa qarsy is-qımyl agenttiginiń áleýmettik jelidegi resmı paraqshalarynda, tikeleı efır formatynda ótti.
