Tártip saqshylary Shymkent qalasynda ornalasqan №3 balalar úıi tárbıelenýshileriniń aldyn-ala dene ólshemderin alyp, soǵan sáıkes 35 balaǵa jazǵy aıaq kıim alyp berdi.
– Bala qýansa – álem qýanady. Búldirshinderdiń kúlkisinen asqan baqyt joq. Bul qaıyrymdylyq sharasynyń negizgi maqsaty – balalarǵa qýanysh syılaý. Ujymmen birlese kópten beri qaıyrymdylyq jasaýǵa nıettengen bolatynbyz. Mundaı sharalardy aldaǵy ýaqytta da jalǵastyrýdy kózdep otyrmyz. Olardyń árbiriniń qoǵamda óz ornyn taýyp, tulǵa bolyp qalyptasyp, ómirde óz joldaryn tabýyna tilektespiz, – deıdi uıymdastyrýshylar.
