Qazaqstan • 17 Aqpan, 2021

Madrıdte Qazaqstandaǵy ınvestısııalyq jáne kásipkerlik múmkindikterin talqylady

2 ret kórsetildi

Ispanııa astanasynda «Qazaqstan ekonomıkasynyń negizgi salalaryna bıznes pen ınvestısııa múmkindikteri. Kópjaqty qoldaý kórsetiletin jobalar» atty onlaın konferensııa ótti.

Madrıdtiń Saýda-ónerkásip palatasy jáne Qazaqstan Elshiligi uıymdastyrǵan vebınarǵa «Kazakh Invest» AQ, Eýropalyq qaıta qurý jáne damý banki (EQDB), Azııa damý banki (ADB), Ispanııanyń Indýstrııa, saýda jáne týrızm mınıstrliginiń Qazaqstandaǵy Saýda mıssııasynyń ókilderi jáne taǵy basqalar qatysty. Olardyń arasynda kólik ınfraqurylymy, jańartylatyn qýat kózderi, qurylys, mashına jasaý, aýylsharýashylyq ındýstrııasy jáne t.b. salalardy qyzmet etetin 20 ıspandyq kompanııalarye boldy.

Is-sharany asha otyryp, Saýda palatasynyń prezıdenti Anhel Asensıo Ispanııanyń strategııalyq seriktesi - Qazaqstan Ortalyq Azııadaǵy sózsiz kóshbasshy ekenin, 2021 jyly 3%-ke, 2022 jyly 4,3%-ke kólemdegi ósimge qol jetkizýi múmkin memleket ekenin aıtty. Qazaqstan aldyna aýqymdy maqsattar tur. Álem bankiniń «Doing Business - 2020» bedeldi reıtınginde elimiz joǵary 25-orynǵa ıe boldy, osynyń ózi ony sheteldik ınvestısııalar úshin tartymdy baǵytqa aınaldyrady.

Qazaqstan Elshisi Konstantın Jıgalov óz sózinde Qazaqstan men Ispanııa arasyndaǵy strategııalyq baılanystardy nyǵaıtýdyń negizi 2009 jyly jasalǵan Strategııalyq seriktestik týraly kelisimdi qamtıtyn zańnamalyq bazanyń qarqyndy damýy boldy dep basa aıtty.

Pandemııaǵa qaramastan, iskerlik yntymaqtastyq jalǵasýda. Saýda jáne ıntegrasııa mınıstri B.Sultanovtyń Madrıdke sapary nátıjesinde Qazaqstan kóterme satý naryqtarynyń jelisin damytýda ıspan tájirıbesin sátti qoldanýda. Qazaqstan elordasy men Fıra-Barselona ákimdigi bıyl Azııa elderi úshin Nur-Sultanda «Aqyldy qala kongresin» ótkizýge daıyndyq ústinde.

Konferensııada «Kazakh Invest» AQ, Eýropalyq qaıta qurý jáne damý banki, Azııa damý bankiniń ókilderi, sondaı-aq Ispanııanyń Qazaqstan Respýblıkasyndaǵy saýda ókili Manýel Sanches sóz sóıledi. Is-sharaǵa qatysýshylarǵa Qazaqstannyń tartymdy ınvestısııalyq múmkindikteri, basym sektorlar men naqty jobalar usynyldy; arnaıy ekonomıkalyq aımaqtardyń artyqshylyqtary, salyqtyq jeńildikter men preferensııalar týraly aıtty; EQDB men ADB Qazaqstanda júzege asyratyn jobalardy qarjylyq qoldaý quraldary týraly tolyq aqparat berildi.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar