Qarjy • 17 Aqpan, 2021

Qarjy pıramıdalaryn uıymdastyrýshylardyń qurbany bolmaý úshin ne isteý kerek?

17 ret kórsetildi

Qazaqstanda sońǵy ýaqytta qarjy pıramıdalarynan zardap shekkenderdiń sany ósýde. Tek 2020 jyly osyndaı 100-den astam kompanııa anyqtaldy. Alaıaqtar azamattardy aldaý úshin neǵurlym kúrdeli shemalardy oılap tabady. Qylmyskerler qandaı ádisterdi jıi qoldanady jáne qarjy pıramıdalaryn uıymdastyrýshylardyń qurbany bolmaý úshin ne isteý kerek? Agenttiktiń qarjy naryǵyndaǵy asyra paıdalanýǵa qarsy is-qımyl basqarmasynyń bastyǵy Maqsat Shaǵdarov áńgimeleıdi.

Alaıaqtyqtyń birneshe shemalary bar: «janr klassıkasy» - bul shemaǵa tartylǵan qatysýshylardyń salymdary buryn tartylǵan qatysýshylarǵa tóleýge baǵyttalatyn, kóptegen qarjylyq pıramıdalar qoldanatyn aqsha tartý shemasy. Alaıaqtar óz qyzmetin jasyrý úshin jıi qoldanylatyn shemalardyń biri jelilik marketıng túrinde júzege asyrylady. Jelilik marketıng te, qarjylyq pıramıdalar da ıerarhııalyq qurylymǵa ıe, halyqty tartý baǵdarlamasy, ıaǵnı marketıngtik jospar, ónimdi nemese qyzmetti satýdan bonýstar tóleý jáne t.b., - deıdi Shaǵdarov.

«Búgingi tańda alaıaqtar azamattardan aqsha alýdyń neǵurlym kúrdeli shemalaryn jasaýda. 2020 jyly Qazaqstanda qarjy pıramıdalarynyń belgileri bar 100-den astam kompanııa anyqtaldy. Alaıaqtardyń eń tanymal ádisteri – bul jelilik marketıng, tutyný kooperatıvterine tartý, sondaı-aq qysqa merzimdi jáne uzaq merzimdi jobalarǵa ınvestısııa salý», - dedi Maqsat Shaǵdarov. 

Jelilik marketıngtiń prınsıpteri ónimdi satýdan paıda tabýǵa negizdelgen. Osy maqsatta sertıfıkattar, zergerlik buıymdar, kosmetıka, dene kútimine arnalǵan ónimder qoldanylady. Kóptegen adamdardyń jelilik marketıngke kúmánmen qaraıtynyna qaramastan, bastapqy tólemniń belgili bir mólsherin ǵana tólep jyljymaıtyn múlik satyp alý usynysy kópshilik úshin óte tartymdy keledi.

«Jyljymaıtyn múlik, avtomobıl jáne basqa da qymbat múlik satyp alýǵa aqsha jınaýǵa kómektesetin kompanııalar belsendilik kórsete bastady. Jınaq baǵdarlamasyna engizetin jarna jınaq somasyna qaraǵanda azyraq. Mysaly, qatysýshy alty aı merzimge 800 dollar salady, ol alty aıdan keıin  19 200 dollar syıaqy alady. Syıaqy somasyna shaqyrylǵan qatysýshylardyń sany men olardyń salymdarynyń mólsheri áser etedi. Sondaı-aq, 200% jáne odan da kóp mólsherde syıaqy tóleýdi kózdeıtin baǵdarlamalar bar, bul rette qatysýshynyń quqyqtardy berýi nemese múlikti kepil retinde qaldyrýy negizgi talap bolyp tabylady. Abaı bolý kerek», - deıdi áńgimelesýshi.

Shaǵdarov atap ótkendeı, eksklıýzıvti klýbqa múshelikti de senimdi dep aıtýǵa kelmeıdi. Mundaı klýbtar qazaqstandyqtarǵa krýızder, joldamalar, saıahattar, bıznesti qurý jáne ilgeriletý boıynsha trenıngter, marketıng, ınvestısııalaý, kopıraıtıng, sondaı-aq hıromantııa, astronomııa, psıhıkalyq tepe-teńdikti jaqsartý, psıhologııa, nýmerologııa, sımvoldar, magııa jáne t.b. usynady. Bul jaǵdaıda qatysýshy basqa adamdardy tarta otyryp, baǵdarlamaǵa baılanysty belgili bir merzim ishinde kirý jarnasyn  1-3 jyldan 5-10 jylǵa deıin tóleýi kerek.

Qarjy pıramıdalaryn uıymdastyrýshylardyń taǵy bir quraly – bınarlyq opsıondar platformasy. Prosess mynadaı tártippen júzege asyrylady: uıymdastyrýshy áleýmettik jeliler arqyly jeke tulǵalardy baǵaly qaǵazdar naryǵyndaǵy operasııalar boıynsha oqytýǵa tartady. Budan ári, oqytýdy ótkizgennen keıin klıentke baǵaly qaǵazdardy satyp alý jáne satý operasııalary, bınarlyq opsıondarmen operasııalar jasaý múmkindigi bolatyn arnaıy platforma usynylady. Klıent demo-shotty jáne adamnyń aqsha tabýyna jaǵdaı jasaıtyn platformany qoldana otyryp operasııalardy júzege asyra bastaıdy. Ári qaraı, klıent naqty aqshany qoldana otyryp operasııalardy júzege asyrady. Eger klıentte aqsha qarajaty jetkiliksiz bolsa, onda ol shaqyrylǵan árbir qatysýshy úshin bonýstar ala alady. Bul platformalardyń kópshiligi sheteldik, al Qazaqstan Respýblıkasynyń aýmaǵynda tirkelgen kompanııalar tek konsýltasııalyq qyzmet kórsetedi. Bul rette, platforma ádeıi barlyq operasııalar paıdalanýshylar úshin tıimsiz bolatyndaı etip jasalǵan.

«Alaıaqtardan qalaı saqtaný kerek? Eger Sizge qysqa merzimde úlken kiristilik usynsa, syıaqy alý úshin birneshe qatysýshyny tartýdy usynsa, Siz BAQ-tan jáne ınternetten jappaı jarnamalyq naýqandy kórseńiz, saqtanýyńyz kerek. Kompanııanyń bedelin jáne ol usynǵan aqparattyń dáıektiligin zerdeleńiz. Depozıt tartýǵa quqyǵy bar barlyq qarjy uıymynda QR Qarjy naryǵyn retteý jáne damytý agenttigi arqyly qarjy retteýshisiniń lısenzııasy bolýǵa tıis. kompanııanyń ıeleri jáne basshylyǵy týraly aqparatty taýyp alyńyz, sondaı-aq onyń qaıda tirkelgenin bilińiz. Eger basshylyq týraly derekter qupııa, al kompanııanyń ózi áldebir offshorlyq aımaqta tirkelgen bolsa, onda oılaný kerek», - dedi Shaǵdarov.

Qazaqstanda sońǵy úsh jyldyń ózinde ǵana qarjy pıramıdalaryn qurýdyń 180 jaǵdaıy tirkeldi. Jalpy zııan 8,3 mlrd teńgeni qurady. Mynany este saqtaý kerek: qarjy pıramıdalary qarjy uıymdaryna jatpaıdy jáne qarjy retteýshisiniń depozıtter qabyldaýǵa, jeke tulǵalardyń banktik shottaryn ashýǵa jáne júrgizýge lısenzııasy bolmaıdy, tıisinshe qarjy retteýshisi baqylamaıdy. Rettelmeıtin uıymǵa aqsha salǵan kezde olardyń tolyq joǵalyp ketý deńgeıi joǵary bolady, sebebi onyń qatysýshylarynyń arasyndaǵy ózara qarym-qatynas ózara senimge negizdeldi jáne aqshany berý jáne shoǵyrlandyrý boıynsha is-áreketterdi qatysýshylardyń ózderi jasaıdy. Sondyqtan, qarjylyq alaıaqtyqqa urynyp qalmaý úshin, qarjylyq saýattylyqty arttyrý, qol qoıý aldynda barlyq qujatty muqııat oqý jáne mamandardyń konsýltasııasyn alý, suraqtar qoıý, Sizge usynǵan ónimdi zerdeleý qajet. eger Siz aqshańyzdy senip tapsyratyn uıymda Qarjy naryǵyn retteý jáne damytý agenttiginiń lısenzııasy bolsa, onda Agenttikke shaǵym jasaı alasyz, biraq qarjy pıramıdalary bolǵan jaǵdaıda, Sizdiń aqshańyzdyń saqtalýyna eshkim kepildik bere almaıdy. Uıymda lısenzııanyń bolýyn Agenttiktiń finreg.kz saıtynan tekserý qajet.

 
Sońǵy jańalyqtar

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Taýda joǵalyp ketken týrıst tabyldy

Aımaqtar • 06 Mamyr, 2021

Uqsas jańalyqtar