Bilim berý nysandaryn údemeli salý baǵdarlamasyn kezeń-kezeńimen júzege asyrý jalǵasýda. 2020 jyly Áýezov jáne Túrksib aýdandarynda 1800 oryndyq eki memlekettik mekteptiń, jumys istep turǵan mektepterge 1817 oryndyq bes qosymsha qurylystyń qurylysy aıaqtaldy, mektepterge 8263 oryndyq taǵy on jeti japsarlas ǵımarattyń qurylysy jalǵasýda.
1390 orynǵa arnalǵan 2 jekemenshik mektep paıdalanýǵa berildi. 2020 jyldyń basynan bastap 520 oryndyq 3 memlekettik balabaqsha salynyp, paıdalanýǵa berildi, onyń ishinde jeke ınvestordy tarta otyryp, 150 oryndyq balabaqsha salyndy. «Jumyspen qamtýdyń jol kartasy» baǵdarlamasyn júzege asyrý aıasynda 640 oryndyq taǵy 4 balabaqshanyń qurylysy bastaldy.
Balalardy mektepten tys bilimmen jappaı qamtý úshin jaǵdaı jasaý boıynsha jol kartasy qabyldandy. Qalalyq kitaphanalar bazasynda 156 tegin úıirme ashyldy. Balalarǵa arnalǵan shyǵarmashylyq úıirmeler sany 5400-ge deıin artty. Balalar men jasóspirimderdi damytý úshin 5 aýdanda «Shyńǵa órleý» áleýmettik klýbtary quryldy. Sport ǵımarattarynyń sany bir jylda 745 nysanǵa artyp, 3,4 myń nysanǵa jetti, 252 tegin seksııa ashyldy.
Áleýmettik ınfraqurylymdy damytý 2021 jyly jalǵasady. 8 mektep, 17 jańa korpýs-japsarlas qurylys salý esebinen qosymsha 20 700 oqýshy orny paıda bolady. Sonymen qatar, 640 mektepke deıingi oryn ashylady. Ata-analar tólemin sýbsıdııalaý úshin qalalyq bıýdjetten 1 mlrd teńge bólý josparlanýda, bul balabaqshalarda qosymsha 5 myń oryn ashýǵa múmkindik beredi.
Qadamdyq qoljetimdi jerden medısınalyq qyzmettermen qamtamasyz etý úshin Jetisý jáne Túrksib aýdandarynda 2 otbasylyq-dárigerlik ambýlatorııa salynatyn bolady. №7 Qalalyq klınıkalyq aýrýhananyń jańa korpýsy-qosymsha qurylysy, sondaı-aq balalarǵa shuǵyl kómek kórsetý ortalyǵynyń operasııalyq blogy bar jańa korpýs paıdalanýǵa beriledi.
«Bir tereze» qaǵıdaty boıynsha memlekettik jáne jeti memlekettik emes qyzmettiń 42 túrin usynatyn Áleýmettik qyzmetter úıi ashylady. 14 kortqa arnalǵan tennıs ortalyǵy paıdalanýǵa beriledi jáne 6 dene shynyqtyrý-saýyqtyrý kesheni salynady.
