Indetpen kúres sharalary áli jalǵasýda. О́ıtkeni, koronavırýs tolyqtaý aýyzdyqtalǵan joq. Qazir oblys «jasyl aımaqta». Eger jaǵdaı kúrdelense qosymsha 3200 tósek-oryn men 3500 medısına qyzmetkerinen turatyn kadrlyq rezerv daıyn tur.Eki aıǵa jetetin dári-dármektiń qory bar. Oǵan bıýdjetten 488 mln teńge qarjy bólindi.
"Álemdi sharpyǵan indet bizdiń aımaǵymyz úshin de úlken synaq boldy. Degenmen barsha halyqtyń berekeli birliginiń, tynymdy tirliginiń arqasynda bul qıyndyqty da eńsere bildik.Syr halqy eshqashan qıyndyqqa moıyǵan emes. Bul joly da biz birligimizdi kórsetip, qıyn sátte bir-birimizge qoldaý bildirdik. Qazirgi tańda jappaı vaksınasııalaý jumystary júrgizilýde. Vaksına saldyrý – ár adamnyń jeke qalaýy. Májbúrleý joq. Eń mańyzdysy, ár adam óziniń, týystary men jaqyn adamdarynyń densaýlyǵyna muqııat bolýy kerek. Bul – búgingi kúnniń talaby",-dedi oblys ákimi.
Oblysta toǵyz PSR apparaty jumys jasaýda. Turǵyndardan táýligine 1000-1500 synama alynýda. Jalpy, oblystaǵy medısınalyq uıymdar qajetti jabdyqtarmen tolyq qamtyldy. Kópbeıindi oblystyq jáne Qazaly aýdanaralyq aýrýhanalarynda ottegi stansalary iske qosyldy.
