«Zeınetaqy aktıvterin basqarýdy josparlap otyrǵan jekelegen basqarýshy kompanııalar qazirdiń ózinde zeınetaqy aktıvterin senimgerlik basqarýǵa arnalǵan kelisimshart jasasý boıynsha Biryńǵaı jınaqtaýshy zeınetaqy qorymen jumysty bastap ketti. Olarmen aqpan aıynyń basynan beri aqparat almasý jáne zeınetaqy jınaǵyn berýmen baılanysty tehnıkalyqmáseleler pysyqtalýda. Kelisimsharttar jasalyp, BJZQ saıtynda basqarýshy kompanııalardyń tizilimi jarııalanǵannan keıin salymshylar basqarýshy kompanııany tańdap, jınaqtarynyń bir bóligin sol jaqqa aýdara alady. Biz kelesi aptada salymshylar úshin bul qyzmet qoljetimdi bolady dep oılaımyz», dedi Edil Medeý.
Agenttik málimetinshe, ınvestısııalyq portfeldi basqarýǵa arnalǵan lısenzııasy bar 18 basqarýshy kompanııanyń 6-ýy bekitilgen talaptarǵa sáıkes keledi.
Olar:
1) «First Heartland Jysan Invest» AQ
2) «BCC Invest» AQ – «Bank SentrKredıt» AQ-tyń enshiles uıymy»
3) «Halyk Global Markets» AQ («Qazaqstan Halyq Banki» AQ-tyń EU)
4) «Halyk Finance» Qazaqstan Halyq Bankiniń EU» AQ
5) «First Heartland Capital» AQ 6) «Sentras Sekıýrıtız» AQ Aıta keterligi, salymshylar zeınetaqy jınaqtaryn bir basqarýshy kompanııadan ekinshisine jylyna bir retten jıi emes bere alady. Al zeınetaqy jınaǵyn Ulttyq banktiń basqarýyna eki jyldan keıin qaıtara alady.
