2023 jylǵa deıingi óńirdiń ekonomıkalyq damý jospary qabyldanyp, bıznes ókilderine óńirdi óz óndiris ónimderimen qamtamasyz etetin 271 mlrd teńgeniń 265 jobasy usynyldy. Búginde 7,1 mlrd teńgeniń 89 jobasy júzege asyrylyp, 1047 jumys orny quryldy.
Baǵany turaqtandyrý maqsatynda qajetti azyq-túlik ónimderine oblystyq bıýdjetten 1234,4 mln teńge bólinip, óńirlik turaqtandyrý qoryna 4 myń tonnadan astam áleýmettik-mańyzy bar azyq túlik taýarlary satyp alynǵan.
Memleket basshysynyń bastamasymen 2020-2021 jyldarǵa arnalǵan Jumyspen qamtý Jol kartasy bastalyp, ol halyqty jumyspen qamtyp, turaqty tabys kózimen qamtamasyz etti. 2020 jyldyń qorytyndysymen quny 40 mlrd teńgeden asatyn 261 joba júzege asyryldy.
Memleket basshysynyń tapsyrmasymen óńirdiń damýyna qosymsha 15,6 mlrd teńge bólindi.
Oblys ekonomıkasyndaǵy keıbir kórsetkishterdiń tómendeýine qaramastan Úkimetpen jasalǵan Memorandým boıynsha óńirge ınvestısııa tartý 230 mlrd teńge bolyp belgilense, kórsetkish 27 paıyzǵa artyǵymen oryndalyp, 292 mlrd teńgege jetti. Al, turǵyn úı salý jospary 591 myń sharshy metr bolsa, bul kórsetkish te ósimmen oryndaldy.
- 2021 jylǵy 26 qańtarda Úkimettiń keńeıtilgen otyrysynda Memleket basshysy Qasym-Jomart Toqaev Qyzylorda oblysynyń ekonomıkalyq kúrdeli jaǵdaıyn eskerip, Úkimetke qoldaý kórsetýdi tapsyrdy. Osyǵan oraı, biz óz tarapymyzdan respýblıkalyq bıýdjetten qarjylyq qoldaýdy qajet etetin 110 joba ázirledik, - dedi oblys ákimi.
Áleýmettik sala aıryqsha mán beriletin salalardyń biri. Búgingi tańda aýdandyq ortalyq aýrýhanalar salý máselesi tolyqtaı sheshimin tapty. Endi alǵashqy medısınalyq-áleýmettik kómek kórsetetin 62 nysandy 2024 jylǵa deıin jańartý josparlanýda.
Oblys boıynsha oqýshylardyń 49 % qashyqtan, 51 % dástúrli formatta oqýda. Mektepter teńgerimindegi 14 myńnan astam kompıýter oqýshylarǵa berildi.
Úkimet rezervinen 3,2 mlrd teńge qarjy bólinip, 22 870 qurylǵy satyp alyndy. Jergilikti bıýdjet jáne demeýshiler esebinen 4 myń kompıýterlik tehnıka satyp alynyp, muqtaj balalarǵa taratyldy. 2020 jyly az qamtylǵan jáne kóp balaly otbasylardan shyqqan daryndy aýyl balalaryna arnalǵan granttardyń sany 150-ge artty. 2019 jyly 126 grant bólingen.
О́tken jyly Jalaǵash aýdany, Shámenov aýylyndaǵy apatty mektep ornyna jańa ǵımarat salynyp, paıdalanýǵa berildi. Jańaqorǵan kentindegi mekteptiń qurylysy júrgizilýde. Aralda apatty mekteptiń qurylysyn bıyl bastalady. Qazirgi tańda Qyzylorda qalasynda ınvestorlar esebinen 500 orynǵa laıyqtalǵan bir mektep salynyp, 300 oryndyq bir mekteptiń qurylysy júrgizilýde. Sonymen qatar, bıýdjet esebinen 8 jańa sport nysany salyndy. Memlekettik-jekeshelik áriptestik sheńberinde 60 seksııaly 5 joba júzege asyryldy.
2020 jyly ındýstrııalandyrý baǵdarlamasy aıasynda 1,5 mlrd teńge qarjyǵa 3 joba iske asyrylyp, 172 jańa jumys orny ashyldy. Aǵymdaǵy jyly taǵy da quny 48,5 mlrd teńgeniń 4 jobasyn iske asyrýdy josparlanýda.
Memlekettik baǵdarlamalar aıasynda oblysta 492 shaqyrym bolatyn avtojol men kóshe jóndelip, 2 kópir jáne 408 páterli 39 kópqabatty turǵyn úı, 13 áleýmettik nysan paıdalanýǵa berildi. Bıyl 1964 páterlik 101 turǵyn úı paıdalanýǵa beriledi.
Búginde oblys halqynyń 97 paıyzy ortalyqtandyrylǵan aýyz sýmen, 65 paıyzy tabıǵı gazben qamtylǵan.
Agroónerkásip salasynda aıtarlyqtaı ósim bar. Jyl qorytyndysymen oblysta tutyný baǵalarynyń ındeksi 107,2 paıyzdy, al, áleýmettik mańyzy bar azyq-túlik baǵalarynyń ındeksi 110,1 paıyzdy qurady. Qazirgi tańda oblysta 8,7 myń tonnadan astam áleýmettik mańyzy bar azyq-túlik qory qalyptasty. Sońǵy jyly agroónerkásiptik keshenniń negizgi kapıtalyna salynǵan ınvestısııalar kólemi eki esege ósti. 2019 jyly – 6,7 mlrd teńge qurasa, 2020 jyly-13,6 mlrd teńgege jetti.
Kásipkerlik salasyn damytý boıynsha da qarqyndy jumystar atqarylýda. Pandemııa kezinde óńirdegi 54 myńǵa jýyq kásipker salyqtyq jeńildikterin alyp, 8,5 myńnan astamy mindetti áleýmettik medısınalyq saqtandyrý tólemderinen bosatyldy. 9 myń saýda alańy shamamen 700 mln teńge arendalyq aqydan, 194 kásipker memlekettik menshikti jaldaý qunynan bosatyldy. 8 myńǵa jýyq kásipkerdiń 11 mlrd teńgeden astam nesıe qaryzy keıinge shegerildi.
Kásipkerlik salasyndaǵy baǵdarlamalar aıasynda ótken jyly bıznesti qoldaýǵa banktermen 20 mlrd. teńgeden astam qarajat baǵyttaldy. «Qyzylorda» О́ńirlik ınvestısııalyq ortalyǵymen nesıelendirýdiń qoljetimdi sharttary arqyly aýyl kásipkerleriniń startap jobalaryna oblystyq bıýdjetten 2 mlrd teńge qarjy bólindi. Nátıjesinde jumys istep turǵan shaǵyn jáne orta bıznes sýbektileriniń sany 5 paıyzǵa artyp, jumyspen qamtylǵandar sany 96 myń adamdy qurady.
О́tken jyly elimizde Ábý Nasyr ál-Farabıdiń 1150, Altyn Ordanyń 750, uly Abaıdyń 175, Uly Jeńistiń 75 jyldyǵy atalyp ótti. Mereıtoılar aıasynda oblysta 2000-ǵa jýyq is-shara onlaın formatta uıymdastyryldy. Youtube platformasynda arnaıy «Syr shańyraǵy», «Syr qoǵamy», «Syr birligi», «Syr jastary», «Syr sporty» medıa-arnalary ashyldy.
Respýblıkada alǵashqylardyń biri bolyp oblysymyzda «Syr eriktileriniń shtaby» quryldy. Eriktiler turmysy tómen otbasylar men jalǵyz basty qart adamdarǵa 11 turǵyn úı salyp berdi.
Aımaq basshysy esep berý sońynda óńirdi damytýdyń 2021 jylǵa arnalǵan 6 negizgi baǵyty boıynsha oblys ákiminiń «Is-qımyl jospary» bekitilgenin, oblysty damytýdyń 2021-2025 jyldarǵa arnalǵan baǵdarlamasy qabyldanǵanyn atap ótti.
Sodan keıin aımaq basshysy oblys turǵyndarynyń suraqtaryna jaýap berdi.
Oblys ákimine suraqtardy tirkeý 400-100 nómiri, www.400-100.kz saıty, sondaı-aq, Qyzylorda oblysy ákimdiginiń telegram kanaly men ınternet resýrsy arqyly júrgizildi. Esep berý kezdesýiniń tikeleı kórsetilimi Qyzylorda oblysynyń ákimdiginiń jáne «Qyzylorda» oblystyq telearnasynyń «Ýoutube» kanalynda, «Facebook» áleýmettik jelisinde uıymdastyryldy.
