Byltyr kúzde Shyǵys Qazaqstan oblystyq orman sharýashylyǵy jáne janýarlar dúnıesi aýmaqtyq ınspeksııasynyń qyzmetkerleri avıasııamen qaraýyldaý kezinde Rıdder qalasynyń eki turǵyny bulan atqanyn anyqtaǵan.
Quqyq qorǵaý organdarynyń qyzmetkerlerimen birlesken shara barysynda belgili bolǵandaı, olar Glýbokoe aýdanynyń aýmaǵyndaǵy Sakmarıha ózeniniń jaǵasynda tegis uńǵyly myltyqpen bulan atyp alǵan.
Sol iske qatysty bıyl 10 aqpanda Rıdder qalalyq soty kináli adamdy memleket paıdasyna materıaldyq zalaldy tolyq mólsherde óndirip ala otyryp, 2 jylǵa ań aýlaýǵa baılanysty qyzmetpen aınalysý quqyǵynan aıyrdy. Sondaı-aq, bir jyl merzimge bas bostandyǵyn shekteý túrindegi jazaǵa kesti.
Keltirilgen shyǵyn 2083500 teńgeni qurady.
Rıdder
