Serik Turaruly 1957 jylǵy 15 aqpanda Almaty qalasynda týǵan, qazaq. Úılengen, úsh qyzy jáne uly bar. Máskeý hımııalyq mashına jasaý ınstıtýtyn (1979 j.) – hımııalyq-tehnologııalyq prosesterdi avtomattandyrý ınjeneri, BLKJO OK janyndaǵy Joǵary komsomol mektebin (1984 j.) – saıasattanýshy, KOKP OK Qoǵamdyq ǵylymdar akademııasyn (1991 j.) – áleýmettanýshy mamandyǵy boıynsha bitirgen. Áleýmettik ǵylymdar doktory, professor, Qazaqstan Respýblıkasy Ulttyq ǵylym akademııasynyń akademıgi.
Eńbek jolyn Jańa-Jambyl fosfor zaýytynda azot-ottegi sehynyń baqylaý-ólsheý jáne avtomattandyrý sheberi (1979-1981 jj.) bolyp bastaǵan. Komsomol organdarynda qyzmet atqarǵan. Táýelsizdik kezeńinde Qazaqstan Respýblıkasynyń Prezıdenti Apparaty Aqparat-taldaý ortalyǵynyń aǵa referenti, sektor meńgerýshisi, basshysynyń orynbasary (1993-1995 jj.), Qazaqstan halqy Assambleıasy Atqarýshy hatshylyǵynyń meńgerýshisi (1995-1997 jj.), Qazaqstan Respýblıkasy Jastar isi, týrızm jáne sport mınıstriniń orynbasary (1997 j.), Qazaqstan Respýblıkasy Bilim jáne mádenıet mınıstrligi Úılestirý jáne baqylaý departamentiniń dırektory (1997 j.), «Kraý» birlesken kásipornynyń bas dırektory (1997-1998 jj.), Qazaqstan Respýblıkasy Parlamenti Aqparat-taldaý ortalyǵynyń dırektory (1998-2002 jj.), Qazaqstan Respýblıkasy Prezıdenti Ákimshiliginiń Ishki saıasat bólimi meńgerýshisiniń orynbasary (2002-2004 jj.), Qazaqstan Respýblıkasy Prezıdenti Ákimshiliginiń Ishki saıasat basqarmasy Áleýmettik-saıası bóliminiń bas ınspektory (2004 j.), Qazaqstan Respýblıkasy Prezıdenti Ákimshiliginiń Buqaramen baılanys jáne baspasóz bóliminiń meńgerýshisi (2004-2005 jj.), Qazaqstan Respýblıkasy Prezıdenti Ákimshiliginiń Áleýmettik-saıası bólimi meńgerýshisiniń birinshi orynbasary (2005 – 2006 jj.), Almaty qalasy ákiminiń orynbasary (2006-2013 jj.) bolyp jumys istedi. 2013 jylǵy aqpan aıynan bastap 2016 jyldyń qańtar aıyna deıin besinshi saılanǵan Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi, «Nur Otan» partııasynyń Fraksııa múshesi. 2016 jylǵy naýryz aıynan 2021 jyldyń qańtar aıy aralyǵynda Qazaqstan Respýblıkasy Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi, «Nur Otan» partııasynyń fraksııa múshesi.
«Fenomen mnogopartıınostı v Kazahstane» (1997 j.) monografııasynyń, sondaı-aq 100-den asa ǵylymı jarııalanymdardyń avtory. «Qurmet» ordenimen, «Eren eńbegi úshin» medalimen, «Nur Otan» HDP-nyń «Belsendi qyzmet úshin» medalimen, Azııa Olımpııadalyq Keńesiniń altyn belgisimen, Bilim jáne ǵylym, Mádenıet jáne aqparat, Densaýlyq saqtaý, Týrızm jáne sport mınıstrlikteriniń omyraý belgilerimen marapattalǵan.
