Eki kúdikti de Amanqaraǵaı aýylynda turady.Tintý sharalaryn júrgizý barysynda olardyń biriniń úıinen aýlasynan ósimdik tektes zattar tabylǵan. Saraptamalyq zertteý qorytyndysy boıynsha tabylǵan zattardyń esirtki ekeni, naqtyraq marıhýana jáne gashısh ekeni anyqtaldy.
Qazir sotqa deıingi tergeý sharalary júrip jatyr. Kúdiktiler qamaýda.
Oblystyq PD esirtki qylmysyna qarsy is-qımyl basqarmasynyń bastyǵy Asylbek Álmaǵambetovtyń aıtýynsha, óńirde jyl basynan beri 5 kılogramnan astam túrli esirtki quraldary zańsyz aınalymnan alynǵan. Oblysta esirtki ótkizýge baılanysty 20, asa iri mólsherde esirtki saqtaýǵa qatysty 7, sondaı-aq, shekaradan esirtki alyp ótýge qatysty 4, esirtki qylmysyna qatysty 37 oqıǵa tirkelgen. Basqarma bastyǵy esirtkige qarsy kúres sharalary jalǵasatynyn aıtty.
