Saıtqa bıýdjet qarajatyna salynatyn nysandar, qurylys-montaj jumystarynyń bastalý jáne aıaqtalý merzimderi, tapsyrys berýshi, merdiger mekemeler men avtorlyq jáne tehnıkalyq qadaǵalaýdy júzege asyratyn uıymdar, bólingen qarjy mólsheri týraly málimetter engizilýde.
«Bıyl saıtqa memlekettik qarajat esebinen salynyp jatqan 35 nysan engizildi. Bul baǵyttaǵy jumystyń kólemin ulǵaıtý jáne qarqynyn arttyrý maqsatynda memlekettik satyp alý rásimderiniń qorytyndysy boıynsha jańadan salynatyn qurylys nysandaryn engizý josparlanyp otyr»,-dedi oblystyq memlekettik sáýlet-qurylys baqylaýy basqarmasy basshysynyń orynbasary Marat Myrzabekov.
Jyl kóleminde basqarma tarapynan turǵyndarǵa 1169 qyzmet kórsetildi. Onyń 500-i sarapshylyq qyzmetke attestattaýǵa, 669-y lısenzııalaýǵa qatysty bolǵan.
«О́tken jyly qurylys sapasyna qatysty 172-i ákimshilik is qozǵalyp, 49 mln 622 myń teńge kóleminde aıyppul salyndy. Salynǵan ákimshilik aıyppuldyń 43 mln 422 myń teńgesi bıýdjetke óndirildi. Al qalǵany óndirý satysynda. Anyqtalǵan aqaýlar men kemshilikter der kezinde joıyldy. Aıta ketetin jaıt, oblystaǵy qurylystyń sapasy qatań baqylaýda», dedi Marat Salqadınuly.
Brıfıngte sala mamandary bıyl 1964 páterlik 101 turǵyn úıdi paıdalanýǵa beriletinin aıtty.
«Bıyl «Nurly jer» memlekettik baǵdarlamasy aıasynda turǵyn úı qurylysy men ınjenerlik kommýnıkasııalyq ınfraqurylym jelilerin júrgizý úshin memlekettik bıýdjet esebinen 11,0 mlrd teńge qarjy bólindi. Sonymen qatar, jyl kóleminde kredıttik turǵyn úı boıynsha 665 páterdi quraıtyn 38 turǵyn úı halyq ıgiligine beriledi. Al jeke kommersııalyq qurylys salýshylar esebinen 220 páterdi quraıtyn 6 turǵyn úıdiń qurylysy júrgizilýde», dedi oblystyq qurylys, sáýlet jáne qala qurylysy basqarmasy basshysynyń orynbasary Arnur Nurmaǵanbetov.
