Otyrysta partııanyń «О́zgerister joly: Ár azamatqa laıyqty ómir!» atty aımaqtyq baǵdarlamasyn júzege asyrý boıynsha daıyndalǵan Jol kartasy bekitildi.
– Aldaǵy 5 jylda óńirdi damytýǵa baǵyttalǵan Jol kartasynda 611 kórsetkish jáne 1776 is-shara qamtylǵan. Olar saılaýaldy baǵdarlamany tolyq ári sapaly iske asyrý jónindegi qajetti barlyq sharalardy qamtıdy. Basym bóligi áleýmettik máselelerdi sheshýge, sondaı-aq, ekonomıka men óńirdiń turaqty damýyna baǵyttalǵan. Halyqtyń barlyq sanaty eskerilgen. Oryndalýy jyldar boıynsha belgilenip, qarjylyq turǵydan qamtamasyz etilgen, – dedi Gúlshara Ábdiqalyqova.
Nur Otan partııasy Qyzylorda oblystyq fılıalynyń 2025 jylǵa deıingi Saılaýaldy baǵdarlamasyn júzege asyrýǵa baǵyttalǵan Jol kartasy buǵan deıin fraksııa otyrysynda keńinen talqylanyp, oblystyq partııa fılıalynyń Saıası keńesi Bıýrosyna bekitýge usynylǵan bolatyn. Mundaı Jol kartalary qala, árbir aýdandar boıynsha da arnaıy daıyndalyp, jergilikti deńgeıdegi fraksııa otyrystarynda qaraldy. Bul partııanyń Saılaýaldy baǵdarlamasynyń túrli deńgeılerde, ıaǵnı oblys, qala, aýdan deńgeıinde jergilikti halyqtyń usynystaryn eskere otyryp daıyndalǵanynyń nátıjesi.
Jıynda Jol kartasyn iske asyrý jóninde alda birlese atqarylatyn jumystar aıqyndalyp, kún tártibinde qaralǵan máselelerge qatysty naqty qaýlylar qabyldandy.
