«Qala ákimdigi oqıǵa oryn alǵan boıdan shuǵyl áreket jasap barlyq kómekterdi qarastyrdy. Otbasy aýrýhanadan shyqqan boıdan daıyn ýaqytsha baspanaǵa ornalastyrylady. Sonymen qatar, qajetti azyq-túlik, tósek oryndar, kıim-keshekter jáne basqa da qajetti quraldarmen qamtamasyz etiledi», dedi Elmurat Rahmatýllaev
Brıfıng barysynda oblystyq densaýlyq saqtaý basqarmasynyń ókili Bıbizada Dúısenbaeva qazirgi tańda otbasy músheleriniń jaǵdaıy qanaǵattanarlyq deńgeıde ekendigin málimdedi.
Al qalalyq tótenshe jaǵdaılar basqarmasynyń bastyǵy Jasulan Túımenov: «Qazirgi tańda saraptama taǵaıyndalyp, órttiń shyǵý sebebi anyqtalýda. Boljam boıynsha órt toqtyń qysqa tuıyqtalýy nemese ashyq otty paıdalanýdan bolýy múmkin», dedi.
Aıta keteıik, ótken túni jedel qutqarý qyzmetine saǵat 00:50 shamasynda ál-Farabı móltek aýdanynda ornalasqan jeke turǵyn úıden órt oryn alǵany týraly habarlama kelip túsken. Atalǵan mekenjaıǵa shuǵyl jetken órt sóndirýshiler túngi saǵat 01:23-te jalyndy tolyǵymen oqshaýlap, óshirgen. Alaıda oryn alǵan oqys oqıǵa saldarynan otbasynyń 4 bala men olardyń anasy kómir qyshqyl gazyna ýlanyp, aýrýhanaǵa tússe, tilsiz jaý 2020 jyly dúnıege kelgen búldirshinniń ómirin qıdy.
