О́ńirlik kommýnıkasııalar qyzmetinde ótken brıfıngte Memlekettik qyzmet isteri agenttigi Túrkistan oblysy boıynsha departamentiniń basshysy, Ádep jónindegi keńes tóraǵasy Aıbek Shilmanov byltyr óńirdegi memlekettik qyzmet kórsetý zańnamasyn saqtaýǵa qatysty 35 tekserý júrgizilip, nátıjesinde 1157 buzýshylyq anyqtalǵanyn málim etti.
«Departament tarapynan ákimshilik quqyq buzýshylyqqa jol bergen birqatar laýazymdy tulǵalarǵa qatysty 47 ákimshilik hattama túzilip, 1 807 525 teńge aıyppul memleket kirisine óndirilgen. О́z kezeginde, quqyq buzýshylyqtardyń ishinde kóp kezdesetin jaǵdaılar: ruqsat berý merzimin buzý, ruqsat berýden negizsiz bas tartý, ákimshilik jaza qoldanǵannan keıin bir jyl ishinde qaıtalap jasalǵan áreketter», dedi departament basshysy.
Oblystaǵy 610 memlekettik organda qazirgi tańda 6 624 memlekettik qyzmetshi jumys atqarýda. Bos laýazymdar sany – 388 birlik. Kadr turaqtylyǵy artqan. Mysaly, ótken jyly oblys boıynsha 260 qyzmetshi memlekettik qyzmet júıesinen ketken.
Bul kórsetkish aldyńǵy jylmen salystyrǵanda 63 qyzmetshige azaıǵan nemese 19,5 prosentke tómendegen. Qyzmet berýshi mekemeler tarapynan ótken jyly 18 027 462 qyzmettiń 91,1%-y elektrondy túrde kórsetilgen.
«О́tinishterdiń negizinde departamentpen 24 jospardan tys tekserý júrgizildi. Aryzdardyń 66,6%-y qanaǵattandyrylyp, 8 tulǵa tártiptik jaýapkershilikke tartyldy. Memlekettik qyzmetshilerdiń tártiptik jaýapkershilikke tartylý deńgeıi óńirde 11%-ǵa azaıǵan. Sonymen qatar, aldyńǵy jylmen salystyrǵanda Ádep normalaryn buzý deregi boıynsha tártiptik ister byltyr 43%-ǵa kemigen», dedi Aıbek Aqbergenuly.
