О́ńir basshysynyń aıtýynsha, kúrdeli kezeńdegi barlyq qıyndyqqa, tótenshe jaǵdaı rejimi men karantındik shekteýlerge qaramastan, oblys damýdyń oń dınamıkasyn saqtap qala alǵan.
– Bizdiń birinshi kezektegi mindetterimiz – turǵyndardyń densaýlyǵyn saqtaý, bıznesti qoldaý, turaqty tabys pen jumyspen qamtýdy qamtamasyz etý boldy. О́tken jyl aralyǵynda 11 jańa óndiris iske qosylyp, 2500-den astam turaqty jumys orny ashyldy. О́nerkásipte ónim kólemi 1,5% ósimmen 2,9 trln teńgeni qurady. Investısııa tartýǵa kóp kóńil bólindi. О́tken jyly olardyń kólemi 678,2 mlrd teńgeni qurady, onyń 81,6%-y – jekeniń qarajaty, – dedi oblys ákimi.
Oblystaǵy basym baǵyttaǵy mindettiń biri – jańa jumys oryndaryn ashyp, jumyssyzdyqtyń aldyn alý. Osy oraıda byltyr túrli baǵdarlamalardyń arqasynda 35 myń jańa jumys orny ashylǵan. «Jumyspen qamtýdyń jol kartasy» memlekettik baǵdarlamasy boıynsha óńirdegi 140 eldi mekende 622 ınfraqurylymdyq joba iske asyrylyp, sonyń arqasynda 16 myń jumys orny qurylǵan. Qalalar men aýyldyq jerlerde shamamen 300 shaqyrym jol, 200-den astam áleýmettik nysan jóndeýden ótken. Sonymen qatar 37 eldi mekende sýmen jabdyqtaý jaqsardy.
Byltyr qalyptasqan jaǵdaıǵa baılanysty densaýlyq saqtaý salasyna qomaqty qarajat jumsalǵan. Sonyń arqasynda Qaraǵandy oblysy koronavırýs ınfeksııasymen kúreste táýir nátıjelerge qol jetkizdi. Qysqa merzimde oblysta jumys istep turǵan aýrýhanalar ınfeksııalyq gospıtaldarǵa qaıta beıindeldi. Jezqazǵan qalasynda 200 orynǵa shaqtalǵan jańa juqpaly aýrýlar gospıtali salynyp, paıdalanýǵa berildi. О́ńir boıynsha medısınalyq jabdyqtar parki jańartyldy. О́kpeni jasandy jeldetýdiń 242 apparaty, 40 sıfrly rentgen-apparat satyp alynǵan. Jalpy, ótken jyly bes kompıýterlik tomografııa kabıneti jáne 11 PTR-zerthana ashyldy. Sonyń arqasynda oblysta pandemııanyń qozǵalysyn qadaǵalap otyrýdyń múmkindigi týdy.
Al bolashaqtaǵy josparlar týraly sóz bolǵanda, oblys basshysy jańadan 14 iri óndiristi iske qosý kózdelip otyrǵanyn aıtty. Boljam boıynsha, ınvestısııa 715 mlrd teńgeni quraýy tıis.
Taǵy bir asa mańyzdy sala – turǵyn úı qurylysynyń aýqymy burynǵydan da ulǵaıa túspek. Shamamen alǵanda áleýmettik turǵyda az qorǵalǵan úsh myńnan astam otbasyn pátermen qamtamasyz etý josparda bar.
Joldardy jóndeý de kún tártibinde ótkir turǵan máseleniń biri. Bıyl oblystyq jáne kentishilik joldardy retke keltirý jumystary jalǵasyn tabady. О́ńir basshysy qalalar men aýdandarda sý jáne jylýmen jabdyqtaýdy jaqsartý úshin birqatar joba júzege asyrylatynyn málim etti.
Úkimettiń qoldaýynyń arqasynda óńirde birden jeti iri káriz-tazartý jelisi salynyp jatyr. Bıyl Prıozersk, Abaı qalalary, Ulytaý men Qarabas kentterinde tazartý qurylystary paıdalanýǵa beriledi. Sondaı-aq Qarqaraly aýdanynyń Qaraǵaıly kenti men Aqtoǵaıda jobalardy iske asyrý josparlanǵan.
Jeńis Qasymbek qazirgi tańdaǵy basty mindet – oblys turǵyndarynyń ál-aýqatyn arttyrý ekendigin atap ótti.
– Oblysta sheshimin tabýdy qajet etetin máseleler áli de az emes. Osy oraıda sizderdiń qoldaýlaryńyz biz úshin óte mańyzdy bolmaq. Til tabysyp, tize qosyp jumys istesek, alǵa qoıǵan maqsattarymyzǵa qol jetkize alatynymyzǵa senimdimin, – dedi J.Qasymbek.
Jalpy, jıyn barysynda oblystyq Qoǵamdyq keńes músheleri men onyń tóraǵasy Erqara Aımaǵambetov óńir boıynsha atqarylyp jatqan jumystarǵa oń baǵa berdi.
– Ekonomıst retinde men oblys ákimdigi ujymynyń kúrdeli kezeńdegi tıimdi qyzmetin atap ótkim keledi. Eń bastysy – bizde turaqtylyq bar, jumys oryndary ashylyp jatyr. Investısııa tartýdyń, ónerkásipti damytýdyń jaqsy kórsetkishteri bar, – dedi oblystyq Qoǵamdyq keńes tóraǵasy, Qaztutynýodaǵy Qaraǵandy ekonomıkalyq ýnıversıtetiniń rektory Erqara Aımaǵambetov.
