Nysan parktiń ońtústik-shyǵysynda, velotrek mańynan salynbaq. Joba boıynsha ınjenerlik qubyrlary joq, 327 orynǵa laıyqtalǵan, jertólesi bar alty qabatty ǵımarat salý kózdelgen. 1 naýryz kúni saǵat 10:00-de osy joba boıynsha qoǵamdyq tyńdaý uıymdastyrylady. Shara Ortalyq parkte ótedi.
Qujattamaǵa súıensek, 4,252 gektar bolatyn ýchaske aýmaǵy jeke menshikke tıesili. Ońtústik tarapynda qurylys joq bos aýmaq bar, shyǵysynda Ormanov kóshesi jaqta 50 metrdeı jerde – turǵyn úı qurylysy júrip jatyr. Soltústiginde Abaı atyndaǵy ýnıversıtet korpýsy ornalassa, batysyndaǵy aýmaq ázirge bos jatyr.
Jaqyn jerdegi turǵyn úı shyǵys tarapta jobalanǵan nysan shekarasynan 50 metr qashyqtyqta ornalasqan. Jarbulaq ózeni shyǵys jaǵynda 300 metr, al Kishi Almaty ózeni 490 metr jerde, batys taraptan aǵyp ótedi. Nysandaǵy qurylys jumystary sý qorǵaý aımaqtarynan tys jerlerde júrgizilmek. Qurylys jobasymen Almaty qalalyq «jasyl ekonomıka» basqarmasynyń resmı saıtynda tanysýǵa bolady.
ALMATY
