Apamyz tylda eńbek etip, soǵystan keıingi jyldary eldiń damýyna halyqpen birge úles qosty. Oblystaǵy Stalın jáne Sulýtóbe kanaldaryn qazý jumystaryna belsene atsalysty.
Qandaı jumysta bolmasyn janyn salyp, el ıgiligi jolynda aıanbady. Egin sharýashylyǵynynda da eńbek etip, masaq terdi.
Atqarylǵan jumys, tógilgen mańdaı teri elenip, 1958 jyly III dárejeli «Ana dańqy» ordenimen, 1964 jyly II dárejeli «Ana dańqy» ordenimen marapattaldy.
Ábdishúkir Esengeldıevpen otaý quryp, kópke ónege kórsetken úlgili otbasyna aınaldy.
Sonymen qatar, KSRO Joǵarǵy Keńesi Prezıdýymynyń «Batyr Ana» ordenine ıe boldy.
Ardaqty Ana ul-qyzdaryna jaqsy tárbıe berdi. Sonyń nátıjesinde búginde Esengeldıevter otbasy kópke úlgi.
Al, ómirlik joldasy Ábdishúkir Esengeldıevtiń orny osy otbasynda erekshe. Arqa súıer áke, abzal jan bola bildi.
Ol eńbek jolynda úlken jetistikterge jetken azamat. Aýyldaǵy sharýashylyqtyń damýyna aralasyp, egin jumystaryn kemeline keltirip oryndady.
Otbasynan shyqqan ár bala jumys istep jatqan salada tabystarǵa jetken kásibı mamandar.
Qyzy úlken qyzy Amangúl kúrish zaýytynda laborant bolsa, odan keıingi qyzy Úmitkúl Qazaly aýdanynyń ósip-órkendeýine ózindik úles qosqan, qazirgi qurmetti zeınetker. Esengeldıeva Aqbaltash ósip-óngen aýylyn damytyp, jumysshy bolǵan. Uly Mergentaı Esengeldıev Kırov sovhozynda brıgadır, mal tuqymyn asyldandrý zootehnık mamany, bas zootehnık qyzmetterin abyroımen atqarǵan. Uly Aqboldash Esengeldıev pen qyzy Kúlásh Esengeldıeva ónerdi serik etip, Qyzylorda qalasyndaǵy tigin fabrıkasynda qyzmetter atqaryp, qazirde qurmetti zeınetkerlikke shyqty. Uly Ergen de týǵan jerdiń damýyna barynsha atsalysyp, aýyldyń kórkeıtý jolynda eńbek etse, qyzy Kúlán Esengeldıeva aq halatty abzal jan atanyp, eline eleýli, halqyna qalaýly bolyp, densaýlyq saqtaý salasynda aıanbaı eńbek etip, qurmetti zeınetkerlikke shyqty. Qyzy Kúnimaı Esengeldıeva Oblystaǵy tigin fabrıkasynda jumys istep, qazirgi ýaqytta oblystyq medısınalyq qalpyna keltirý ortalyǵynda qyzmet atqarýda.
Uly Maqsýt Esengeldıev týǵan ólkesindegi bilim berý oshaǵynda jumys istep, 30 jyldan asa ustazdyq jolda júrip, mártebeli muǵalim atandy. Qazirgi tańda mektep dırektory, dırektor orynbasary qyzmetterin atqaryp keledi.
Uly Mahmud Esengeldıev bolsa, aýyldy, aýdannyń damýyna aǵan emes, tutas bir oblystyń órkendeýine súbeli úles qosýda. Dáriger degen uly mamandyqtyń ıegeri atanyp, sonymen qosa kásipkerlik qyzmettti de qosa atqarýda.
Jámıla Mızamqulqyzynyń ul-qyzdarynan taraǵan balalary da elimizdiń qarqyndy damýyna aıtarlyqtaı úles qosyp, ózderiniń eńbek salasynda tabysty qyzmet atqaryp keledi.
Jámıla apamyzdyń zamandastarynyń aıtýynsha, kóp jaǵdaıda apamyzdyń pikiri erekshe bolǵan, ári ol pikirin baıyppen dáleldep aıtqan. Onyń bilimdiligi men biliktiligin baǵalaı bilgen qurby-qudastary onyń tóńireginde toptasyp, aqyl-keńesine qulaq túrgen.
Ardaqty ana, Asyl áje ne nársege bolsa da baıyppen, sabyrmen qaraıtyn. Tózimdi de bolatyn. Eldiń, ózinen basqa adamnyń pikirine aıryqsha zeıin qoıatyn. О́zi de kóp izdenetin. Col qasıeti bizge árdaıym úlgi edi...
Aqsulý Sańǵalı
