Jitiqaradaǵy páterlerdiń birinde esirtki satylatyny týraly jedel aqparat alysymen dereý izdestirý sharalaryna kirisken polısııa qyzmetkerleri atalmysh páterdi tintý barysynda folgaǵa oralǵan 17 esirtki túıinshegin tapqan. Zerthanalyq tekserý qorytyndysy boıynsha tabylǵan esirtki zattary geroın bolyp shyqty. Atalmysh páterde turyp jatqan er adam polısııa esik qaǵyp jatqanda, esirtkini ish kıimine tyǵyp úlgergen.
Aýdandyq polısııa bóliminiń bastyǵy Bolat Imanovtyń aıtýy boıynsha, narkodıllerler jergilikti ýaqytsha ustaý ızolıatoryna qamalǵan. Esirtki satýshy áıel júktiligine qaramastan ózi de esirtkini paıdalanǵan.
«Kúdiktiler aýdandyq sottyń sheshimimen qamaýda jatyr. Atalǵan qylmys asa aýyr qylmystardyń qataryna jatady. Qazaqstan Respýblıkasy QK 297-babynyń 3 bólim, 1 tarmaǵyna sáıkes kúdiktilerdiń múlki tárkilenip, árqaısy on jyldan on bes jylǵa deıin bas bostandyǵynan aıyrylýy múmkin» dedi bólim bastyǵy.
