«Elimizde epıdemıologııalyq ahýal turaqtandy. Kóptegen azamattarymyz ózderiniń kúndelikti isimen aınalysýǵa kirisip, tipti bul ınfeksııany umytyp ta ketti. Biraq, elde ınfeksııanyń taralýyna, kún saıyn aýrýǵa shaldyǵýdyń 700-800 jaǵdaıynyń tirkelýine baılanysty jáne juqpaly aýrý taralýynyń aldyn alý úshin kóptegen el jappaı vaksınasııa júrgizip jatyr. Qazaqstanda vaksınasııa aqpan aıynda bastaldy», dedi Ajar Ǵınııat №6 emhanada vaksınanyń ekinshi dozasyn saldyrǵannan keıin.
Sonymen qatar ol Densaýlyq mınıstrliginiń basshylyǵy vaksınanyń ekinshi dozasyn da nelikten jarııa túrde alǵandyǵyn túsindirdi. «Vaksına qajet. Negizgi maqsattarynyń biri – ımmýnıtetti nyǵaıtý jáne aǵzany qorǵaý. Osyǵan oraı biz tıimdi ári qaýipsiz vaksınany ektirýge shaqyramyz», dedi Densaýlyq saqtaý vıse-mınıstri.
Ajar Ǵınııat sáýir aıynda qazaqstandyq vaksına zertteýiniń úshinshi fazasy aıaqtalýy tıistigin eske salyp ótti.
«Qazaqstandyq vaksınaǵa qatysty aıtar bolsam, qazir klınıkalyq synaqtyń úshinshi satysy ótip jatyr. Sáýir aıynda klınıkalyq synaqtyń úshinshifazasy aıaqtalýy tıis. Osy zertteýlerdiń qorytyndysy boıynsha qazaqstandyq vaksına elimizde qoljetimdi bolady», dedi ol.
Eske sala ketsek, Erlan Qııasov pen Ajar Ǵınııat koronavırýsqa qarsy vaksınanyń alǵashqy dozasyn 1 aqpanda saldyrǵan bolatyn. Vıse-mınıstrlerge reseılik «Sputnik V» vaksınasy egildi. Búgin Densaýlyq saqtaý vıse-mınıstri – Bas memlekettik sanıtarlyq dáriger Erlan Qııasov jáne atalmysh vedomstvonyń taǵy bir vıse-mınıstri Ajar Ǵınııat «Spýtnık V» vaksınasynyń ekinshi dozasyn saldyrdy.
Buǵan deıin QR DSM Sanıtarııalyq-epıdemıologııalyq baqylaý komıteti Vaksınamen basqarylatyn ınfeksııalardy baqylaý basqarmasynyń basshysy Nurshaı Ázimbaeva «Koronavırýs vaksınasyn saldyrǵanǵa deıin jáne odan keıin oqshaýlaný kerek pe?» degen suraqqa jaýap bergen bolatyn.
«Shyn máninde oqshaýlaný – adamdardyń basqa bireýlerge vırýs juqtyrýynyń aldyn alý úshin kerek. Mundaı jaǵdaıda koronavırýs vaksınasyn saldyrǵanǵa deıin jáne odan keıin oqshaýlanýdyń qajeti joq. Biraq adamdar eń aldymen, óziniń qaýipsizdigin oılaýǵa tıis. Sol sebepti vaksına alatyn adam úshin tolyǵymen karantın rejımin saqtaǵan durys. Vaksına saldyratyn kez kelgen adamnyń eń birinshiden, deni saý bolýy kerek. Ekpe alǵan adam qorshaǵan ortaǵa qaýipsiz. Vaksınalanǵan adamǵa koronavırýs juqpaıdy. Iаǵnı, vaksına quramynda ınfeksııalyq negiz joq», dedi Nurshaı Ázimbaeva.
