Qoǵam • 22 Aqpan, 2021

Áleýmettik sala depýtattardyń jiti nazarynda

87 ret kórsetildi

О́tken jyly adamzat balasyna tóngen indettiń salmaǵy ońaı bolǵan joq. Júzdegen adam jaqyndarynan aıyryldy, álemdik ekonomıka daǵdarysqa tap boldy. Sondaı qıyn-qystaý shaqta el azamattary yntymaqtastyq pen jappaı janqııarlyq tanytty. Nur Otan partııasy jáne onyń belsendi músheleri «Biz birgemiz» aksııasyn uıymdastyryp, kóptegen muqtaj jandarǵa  kómek qolyn sozdy. Osy kezde Nur otan jetekshi saıası uıym ekenin taǵy bir dáleldep, naqty isterdiń partııasy ekendigin kórsetti.

О́zderińizge belgili, jýyq arada ǵana ótken «Nur Otan» partııasynyń Parlament Májilisindegi fraksııasynyń keńeıtilgen otyrysynda saılaýaldy baǵdarlamany oryndaý jónindegi «Jol kartasy» tanystyryldy.

Partııa Kóshbasshysy, Elbasy Nursultan Ábishuly Nazarbaevtyń tapsyrmasyna «Jol kartasyn» ázirleýge Parlament Májilisiniń depýtattary, Úkimet músheleri, partııa ókilderi belsendi qatysty.

Bul baǵdarlama elimizdi odan ári órkendetýge, zańdylyq pen tártipti saqtaýǵa, ýaqytsha qıyndyqty eńserip, halyqtyń ál-aýqatyn jaqsartýǵa baǵyttaldy. Iаǵnı, Memleket basshysy Qasym-Jomart Kemeluly Toqaevtyń saıasatyn jáne partııanyń baǵytyn iske asyrýǵa múmkindik beredi. Onda Tuńǵysh Prezıdentimizdiń tapsyrmasyna sáıkes, barlyq sala boıynsha, ásirese áleýmettik máselelerdi sheshýdiń naqty sharalary kórsetilgen. Basqasha aıtqanda, kóptiń kókeıinde júrgen san taraý oıdyń tamyryn tap basty dep bilemiz.

Endi mine, ekonomıkadaǵy qıyndyqtarǵa qaramastan, Nur Otan Úkimetpen birge 2025 jylǵa deıingi «О́zgerister joly: Ár azamatqa laıyqty ómir!» atty saılaýaldy baǵdarlamasy aıasynda, aldaǵy bes jyldyqta atalǵan baǵdarlamany júzege asyrý úshin 21 trıllıon teńge bólýdi josparlap otyr. Baǵdarlama elimizdiń áleýmettik damýyn ilgeriletýge jáne halyqtyń ál-aýqatyn arttyrýǵa baǵyttalǵan naqty sharalardyń tıimdi keshenin qamtıdy. Bul qujat jurtshylyq tarapynan kelip túsken barlyq usynystar men talap-tilekterdi eskerip, jan-jaqty zerdelenip ázirlendi. Atalǵan baǵdarlama tórt basymdyqty, ıaǵnı, barshaǵa teń múmkindik berý, zııatker, deni saý jáne salamatty ult, turaqty ekonomıka, esep beretin memleket pen jaýapty azamattar qalyptastyrý sııaqty aýqymdy baǵyttardan turady.

Birinshi baǵyt boıynsha «Eń bastysy - áleýmettik ádildik». Onda muqtaj jandarǵa qamqorlyqqa basa mán berilip, áleýmettik saıasatty júrgizgende qıyndyqqa tap bolǵan azamattarǵa ataýly kómek kórsetý kúsheıtiledi. Al baǵdarlamanyń ekinshi baǵyty - «Zııatker, deni saý ult qalyptastyrý». Aldaǵy ýaqytta bilim men ǵylymǵa, densaýlyq saqtaý salasyna, mádenıet pen sportqa bólinetin qarjy ulǵaıady. Máselen, densaýlyq saqtaý salasyn qarjylandyrý ishki jalpy ónimniń 5% dan kem bolmaıdy.

Elimizdiń basty qalalary Nur-Sultan men Almatyda 2 ǵylymı – ınovasııalyq klınıka salynady. Al óńirlerde 20 zamanaýı medısına ortalyqtary boı kótermek. Eldi mekenderdegi aýrýhana-emhanalar qajetti qondyrǵylarmen jabdyqtalady. 2023 jyly dárigerlerdiń jalaqysy 2,5% esege ósedi. Sonymen qatar 2022 jyly Nazarbaev ýnıversıtetiniń tájirıbesi boıynsha Petropavl jáne Shymkent qalalarynda 2 ozyq óńirlik joǵary oqý orny qurylady. Bul Shymkent qalasynyń damýy men halqynyń ósýine jáne bilim sapasynyń artýyna yqpal etetin bolady. Aýyldyq okrýgtarda sport nusqaýshy qyzmeti bolady. Sport jattyqtyrýshylardyń da aılyǵy                             100 paıyzǵa kóbeıedi. Bul óte qýantarlyq jańalyq.

Endigisi osy maqsattarǵa jetý úshin bes jylǵa qoıylǵan jospardy tıimdi iske asyrý qajet. Bul rette Jol kartasynyń barlyq baǵyttary Májilistiń komıtetterine bólinip, baǵdarlamanyń naqty tarmaqtaryna baqylaýdy kúsheıtý úshin «Nur Otan» fraksııasynyń depýtattary bekitildi. Bul Jol kartasyndaǵy árbir oryndalýy tıis jumys qatań baqylaýǵa alyndy degen sóz.                                                                                                                                                                        

Biz egemen memleket bolǵaly qanshama qıyndyqty birge eńserip, tatýlyqty saqtap, birligimizdi nyǵaıtyp kelemiz. Qazirgi ýaqytta eldi ıgilikke aparatyn tórt baǵytty saralap bergen Elbasy Nursultan Nazarbaevtyń  barlyq josparyn tıimdi oryndasaq, bolashaǵymyzdyń jarqyn bolary sózsiz!

 

Ǵanı Tashqaraev,

Qazaqstan Respýblıkasy

Parlamenti Májilisiniń depýtaty, Nur Otan partııasy

fraksııasynyń múshesi

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar