Prezıdent Teleradıokesheni jumysynyń negizgi nátıjelerimen tanysty. Shırek ǵasyr ishinde onyń qyzmetkerleri 800 derekti fılm túsirgen. 2019 jyldyń 20 naýryzynan beri Memleket basshysynyń qyzmeti týraly 600 saǵattyq vıdeotúsirilim jasalyp, 56 derekti fılm, 450 vıdeorolık daıyndalǵan.
Kóptegen vıdeomaterıaldar Telegram jáne YouTube áleýmettik jelilerine júktelgen.
Prezıdenttiń Teleradıokesheni Qazaqstan Táýelsizdiginiń 30 jyldyǵyna oraı "Abaıdyń qara sózderi" jáne "Qýatty óńirler – qýatty Qazaqstan" derekti fılmder sıklyn túsirýdi josparlap otyr.
Qasym-Jomart Toqaevqa «Aqorda» rezıdensııasynda ornatylǵan UHD (4K) apparattyq-stýdııa kesheni tanystyryldy. Bul keshen joǵary sapaly vıdeotúsirilim jasaýǵa múmkindik beredi.
Memleket basshysy Teleradıokeshenniń ujymyna el ómirindegi asa mańyzdy oqıǵalardy jedel ári sapaly jarııalap kórsetkeni úshin rızashylyǵyn bildirip, TRK qyzmetkerlerine jańa shyǵarmashylyq tabys tiledi.
