Jaqyn arada banktik mobıldi qosymshalar arqyly barlyq aqsha aýdarymdaryna salyq salynady degen habarlamalar qazaqstandyqtardyń alańdaýshylyǵyn týdyrdy. Bul týraly tanymal RasTime YouTube arnasynyń júrgizýshisi málimdedi.
Ol jeke tulǵalarǵa arnalǵan aqsha aýdarymdaryna salyq salý júıesin ázirleýge shaqyrǵan QR Premer-Mınıstriniń birinshi orynbasary Álıhan Smaıylovtyń sózine súıenedi.
Rolık avtorynyń aıtýynsha, salyq aýdarym somasy men maqsatyna qaramastan alynady. Qarjy mınıstrligi bul aqparatty joqqa shyǵardy.
Álıhan Smaıylovtyń kásipkerlerdiń qyzmetin nemese satylǵan taýarlar úshin aqsha aýdarymdaryn salyq salýmen qamtý qajettigi týraly aıtqany ras. Bul shara tek zańdy tulǵalarǵa ǵana qatysty bolady.
