Qazaqstan • 24 Aqpan, 2021

Májilis kórneki aqparat máselelerine qatysty zań jobasyn I oqylymda maquldady

9 ret kórsetildi

Búgin Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta birqatar zań jobalary maquldandy.

Atap aıtqanda, «Qazaqstan Respýblıkasynyń keıbir zańnamalyq aktilerine kórneki aqparat máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Zań jobasynyń maqsaty orfografııa normalaryn jáne mátinderdiń teńtúpnusqaly aýdarmasyn saqtaý jónindegi talaptardy belgileý arqyly derektemeler men kórneki aqparatty ornalastyrý máseleleri boıynsha Qazaqstan Respýblıkasynyń zańnamasyn odan ári jetildirý bolyp tabylady. Zań jobasy derektemeler men kórneki aqparatty memlekettik tilde jáne basqa da tilderde ornalastyrý tártibin quqyqtyq retteýdi arttyrýǵa baǵyttalǵan.

Osyǵan baılanysty, zań jobasynda Qazaqstan Respýblıkasynyń 13 zańnamalyq aktisine ózgerister engizý usynylady. Sonymen qatar jalpy otyrysta Májilis birqatar ratıfıkasııalyq zań jobalaryn maquldaydy. Olar:  Qazaqstan men Soltústik Makedonııa arasyndaǵy adamdardy ustap berý men sottalǵan adamdardy berý jáne ózara quqyqtyq kómek týraly sharttardy ratıfıkasııalaý týraly zań jobalary.

Soltústik Makedonııa arasyndaǵy adamdardy ustap berý týraly shartqa sáıkes, taraptar ustap berýge ákep soǵatyn qylmystar úshin qylmystyq qýdalaýdy júzege asyrý nemese sot úkimin oryndaý úshin ózderiniń aýmaqtarynda júrgen izdeýdegi adamdardy bir-birine ustap berýge mindettenedi.

 Shartty ratıfıkasııalaý eki eldiń qylmysqa qarsy kúrestegi yntymaqtastyǵynyń tıimdiligin arttyrady.

Al, Soltústik Makedonııa Respýblıkasy arasyndaǵy sottalǵan adamdardy berý týraly shart jobasy quqyqqa syıymdy bolyp tabylady. О́ıtkeni ol halyqaralyq quqyqtyń jalpy tanylǵan qaǵıdattary men normalaryna, Qazaqstan men Soltústik Makedonııanyń ulttyq zańnamasyna tolyq sáıkes ázirlengen jáne jasalǵan.

Depýtattar ekinshi oqylymda Ákimshilik quqyq buzýshylyq týraly kodekske jáne sot júıesin jańǵyrtý máselelerine túzetý engizý týraly zań jobalaryn maquldady.

Otyrys barysynda depýtattar «Jer qoınaýy jáne jer qoınaýyn paıdalaný týraly» Qazaqstan Respýblıkasynyń Kodeksine ýran óndirý máseleleri boıynsha ózgerister men tolyqtyrýlar engizý týraly» zańynyń jobasyna Senat engizgen ózgeristen kelisti.

Sondaı-aq, aldaǵy jalpy otyrysta Májilistiń komıtetteri birshama zań jobalaryn jumysqa alady. Atap aıtqanda, daýlardy sottan tys jáne sotqa deıingi retteý ınstıtýttaryn damytý máseleleri, EAEO týraly shartqa Armenııanyń qosylýy týraly hattamany ratıfıkasııalaý,  sondaı-aq EAEO týraly shartqa Qyrǵyz Respýblıkasynyń qosylýyna baılanysty birqatar halyqaralyq qujattardy ratıfıkasııalaýǵa qatysty zań jobalary bar.

Otyrys sońynda Májilis depýtattary memlekettik organdar basshylaryna depýtattyq saýaldar joldady. Olar: F.Qarataev, A.Platonov, A.Jamalov, B.Dúısenbınov, E.Smaılov,A.Mılıýtın, A.Nurkına,  F.Kamenov, Iý.Lı, A.Qońyrov, E.О́mirǵalı, S.Nakpaev, S.Erýbaev, D.Zakıeva, N.Razzak, A.Ábildaev, A.Sqaqova, E.Smyshlıaeva.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar