Aımaqtar • 24 Aqpan, 2021

Murat Áıtenov: Shymkenttiń ár ekinshi turǵyny táýelsizdik týmasy

11 ret kórsetildi

Búgin qala ákimi Murat Áıtenov tikeleı efır arqyly ótken esepti kezdesýde bıyl Qazaqstannyń Táýelsizdigine 30 jyl tolyp otyrǵanyn aıtyp, osy ýaqyt ishinde elimiz, onyń ishinde Shymkent qalasy kóptegen jetistikke qol jetkizgenine toqtalyp ótti.

«2021 jyl – Táýelsizdiktiń 30 jyldyǵy. О́tkenge oı salyp, búginimizdi baǵalap, keleshekke jospar quratyn mańyzdy jyl. Elbasy Nursultan Ábishuly Nazarbaevtyń Táýelsizdikke qol jetkizip, myqty memleket qalyptastyrýdaǵy rólin atap ótýge tıispiz. Otyz jylda Qazaqstan bir ǵasyrǵa bergisin ózgeristi bastan ótkerdi. Máselesen, Shymkenttiń ózin alar bolsaq, qala halqy 90-shy jyldary 400 myńnan astam bolsa,  qazirgi tańda bir mıllıonnan asyp otyr. Iаǵnı, Shymkenttiń ár ekinshi turǵyny Táýelsizdik týmasy»,-dedi ákim. 

Ákimniń baıandamasynda aıtylǵandaı Shymkent qalasynda otyz jyl buryn 69 myń oqýshysy men 72 mektep bar bolǵan bolsa, qazir 223 myń oqýshy oqıtyn 178 mektep bar eken. Al, qala bıýdjeti 1991 jyly 1 mlrd teńge bolatyn, kúni búginge 463 mlrd teńgeni qurap otyr. О́mir súrý uzaqtyǵy on jylǵa ósti. 1991-shi jyldary ortasha jas 63,9 bolsa, qazir 74,4 jas. Sonymen qatar, qalanyń joldary 3,6 esege ulǵaıyp, 3060 shaqyrymǵa jetti. 

Endigi jerde Táýelsizdigimizdiń tuǵyrly, memlekettigimizdiń máńgilik bolýy árqaısymyzǵa baılanysty.

 

Foto: Bereke SEIITJAPPAR

Sońǵy jańalyqtar

Uqsas jańalyqtar