Aımaqtar • 24 Aqpan, 2021

Sý tapshylyǵy máseleleri talqylandy

48 ret kórsetildi

Búgin Qyzylorda oblysyna Ekologııa, geologııa jáne tabıǵı resýrstar vıse-mınıstri Serik Qojanııazov, Sý resýrstary komıtetiniń tóraǵasy Nurlan Aldamjarov keldi, dep habarlaıdy Egemen.kz

Sapar aıasynda vıse-mınıstr men komıtet tóraǵasy oblys ákimi Gúlshara Ábdiqalyqovamen kezdesip,  sý sharýashylyǵyndaǵy ózekti máselelerdi talqylady.

Osydan keıin oblystyń vegetasııalyq kezeńge arnalǵan daıyndyq jumystaryn talqylaǵan májilis ótti. Jıynǵa memlekettik organdar ókilderimen qatar oblystaǵy egin sharýashylyǵymen aınalysatyn iri sharýashylyq jetekshileri de qatysty.

Mańyzdy kezeńge ázirlikti talqylaǵan basqosýda oblystyq aýylsharýashylyǵy basqarmasynyń basshysy Shahmardan Qoıshybaev, Aral-Syrdarııa basseındik ınspeksııasynyń basshysy Seıilbek Nurymbetov, «Qazsýshar» RMK Qyzylorda fılıalynyń dırektory Hamıt Beıimbetov habarlama jasady.

Sońǵy 3-4 jyl bederinde oblys dıqandary sý tapshylyǵynyń zardabyn tartyp keledi.  Bıyl osyǵan baılanysty sýdy kóp qajet etetin kúrish egistiginiń kólemi 5 myń gektarǵa azaıtyldy. Biraq Shardara sý qoımasy men Kóksaraı sý rettegishindegi ahýaldy turaqty baqylap otyrǵan mamandar jazda sý tapshylyǵy taǵy qaıtalanýy múmkin ekendigin aıtady. О́ıtkeni Shardaradan joǵary turǵan Toqtaǵul, Ándijan, Sharbaq sý qoımalaryndaǵy jınalǵan kólem kóńil kónshitpeıdi. Aýa raıyn boljaýshylar málimetinshe de kóktemde jaýyn-shashyn jyldaǵydan az bolatyn túri bar.

Májiliske selektor arqyly qatysyp otyrǵan aýdandar basshylary da jergilikti jerdegi máselelerdi aıtty. Mysaly, Jańaqorǵan aýdanynda tospa joq. Darııa arnasy tómendegen jyldary búkil aýdandy sýlandyryp otyrǵan Kelintóbe kanalyna sý kóterilmeı qalady. Qazaly aýdanyna qaı arnamen sý beriletindigi áli naqtylanbaǵan.

Jıynda oblystyq tabıǵı resýrstar jáne tabıǵat paıdalanýdy retteý basqarmasynyń basshysy Baýyrjan Shámenov sońǵy 3 jylda ekologııalyq muqtajdyqtarǵa arnalǵan sýdyń eginge jumsalyp kele jatqanyn aıtyp ótti. Osynyń saldarynan byltyr Araldan keıingi iri sý aıdyny Qambash kóli tartylyp, jaǵalaýynan 250 metrge deıin sheginip ketken. Vıse-mınıstr aıtylǵan máselelerdiń barlyǵyn hattamaǵa engizýdi tapsyrdy. Osyǵan baılanysty mınıstrlik is-sharalar qabyldaıdy. Olardyń oryndalýyna osy aımaqqa arnaıy bólingen Sý resýrstary komıtetiniń ókili baqylaý jasaıdy.

Osy kúni Ekologııa, geologııa jáne tabıǵı resýrstar vıse-mınıstri men Sý resýrstary komıtetiniń tóraǵasy aımaqtaǵy sý sharýashylyǵy nysandaryn aralady.  

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar