Qoǵam • 24 Aqpan, 2021

Elordanyń áskerge shaqyrý ýchaskelerine tirkeý jaqynda aıaqtalady

5 ret kórsetildi

Elordada 2004 jyly týylǵan bozbalalardy áskerge shaqyrý ýchaskelerine tirkeý aıaqtalýǵa jaqyn. Osy jyldyń qańtarynan bastap «Almaty», «Baıqońyr», «Esil» jáne «Saryarqa» aýdandarynyń ákimderimen quralǵan tirkeý komıssııalary óz jumystaryn jalǵastyrýda, dep habarlaıdy Egemen.kz qala ákimdiginiń resmı saıtyna silteme jasap.

Qala boıynsha barlyǵy 5 800-den astam bozbala esepke turýǵa tıis, olardyń 4 900-i áskerı esepke tirkeldi. Josparǵa sáıkes bir apta kóleminde bul baǵyttaǵy jumystar aıaqtalady.

Elordadaǵy uıymdar men kásiporyndarynyń basshylarymen ózderiniń vedomstvolyq baǵynystylyǵy men menshik nysanyna qaramastan, tirkeý ýchaskelerine tirkeýge jatatyn azamattardy áskerı esepke qoıýǵa baılanysty mindetterdi oryndaý úshin qajetti ýaqytqa jumys jáne oqý ornyn, atqaratyn laýazymy men ortasha jalaqysyn saqtaı otyryp, jumystan jáne oqýdan bosatyldy. Bul rette olardyń jumys jáne oqý oryndary, laýazymdary men orta jalaqylary saqtalyndy.

«Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasy Zańynyń 16-babyna jáne «Áskerı mindettiler men áskerge shaqyrylýshylardy áskerı esepke alý qaǵıdalaryna» sáıkes tirkeletin jyly 17 jasqa tolatyn er jynysty Qazaqstan Respýblıkasynyń azamattaryn áskerı esepke qoıý, olardyń sanyn, áskerı qyzmetke jaramdylyq dárejesin aıqyndaý, bilim deńgeıin, alǵan mamandyǵy men dene daıyndyǵy deńgeıin belgileý maqsatynda bozbalalardy shaqyrý ýchaskelerine tirkeý júrgizilýde. Dárigerlik komıssııa ótýi jáne áskerı komandalardy jasaqtaý kezinde pandemııanyń aldyn alý sharalarynyń barlyǵy qatań qoldanylyp, áleýmettik qashyqtyq saqtalynady», - dedi Nur-Sultan qalasy qorǵanys isteri jónindegi depatamenti bastyǵynyń orynbasary Aqjoltaı Ýalıahmetov.

Ol óz sózinde naýryzdan bastap 18 ben 27 jas aralyǵyndaǵy er azamattardy kóktemgi áskerge shaqyrý naýqany bastalatynyn málim etti.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar