Qoǵam • 25 Aqpan, 2021

Almatyǵa qalyń qar jaýdy

750 ret

kórsetildi

1 mın

oqý úshin

Almaty qalasynda keshe kúndizgi saǵat 4-terde bastalǵan jańbyr túnniń jarymnan asa qarǵa ulasty. Aýa raıy mınýs 10 gradýsqa deıin tómendep, tańǵy saǵat 06.00-ge deıin qalada 15-20 sm, taýly jáne taý bókterinde 25-35 sm qar túsken, dep habarlaıdy Egemen.kz.

Elvıra SERIKQYZY

Kóktaıǵaqtyń aldyn alý úshin qar jaýǵan kezden bastap joldarǵa, qıylystar men jolaıryqtardyń kireberisterine, taý bókteri men taýly aımaqtarǵa kóktaıǵaqqa qarsy jumys kúshi jumyldyrylyp, qar tazalandy.

Qar tazalaý jumysyna 560 tehnıka birligi, onyń ishinde 211 qumlaqtyrǵysh pen 1490 jol jumysshysy jumyldyrylǵan. Kóktaıǵaqqa qarsy 3 540 tonna materıal paıdalanylýda.

Túngi saǵat 03.00-den bastap qar kúreý úshin kolonnalar jol polısııasy patrýldik mashınalarynyń erip júrýimen uıymdastyryldy. Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, avtoturaq qaltalaryn, ústińgi ótkelderdi jáne ortaq paıdalanylatyn jerlerdi tazartý jumystary júrgizilýde.

Tańerteńgi qarbalas ýaqyttan keıin qardy qalanyń syrtyna shyǵarý josparlanǵan.

Qazirgi kezde qala jáne aýdandary ákimdikterinde qar tazalaý jumystaryn táýlik boıy baqylaıtyn kezekshilik uıymdastyrylǵan.