Qoǵam • 25 Aqpan, 2021

QR-tólemder HQO-daǵy ýaqytty únemdeýge múmkindik beredi

7 ret kórsetildi

«Azamattarǵa arnalǵan úkimet» QR-kod arqyly baj salyǵyn tóleýge bolatyn memlekettik qyzmetter qataryn ulǵaıtty. Endi almatylyqtar smartfondary arqyly qaladaǵy HQO-larda kez kelgen memlekettik qyzmettiń tólemin birneshe sekýndtyń ishinde joldaı alady, dep habarlaıdy Egemen.kz.

«Memlekettik qyzmetter úshin QR-tólem jasaý jobasy birneshe aı buryn iske qosylǵan bolatyn. Osy ýaqyttyń ishinde biz tıisti qurylǵyny qaladaǵy barlyq 9 halyqqa qyzmet kórsetý ortalyǵyna  ornattyq», - deıdi «Azamattarǵa arnalǵan úkimet» memlekettik korporasııasy Almaty qalasy fılıalynyń dırektory Danııar Qyryqbaev.

Endi azamattar qandaı bir qyzmetti alǵan kezde tólem jasaý úshin menedjerden QR quryp berýin ótinip, sosyn óziniń smartfony arqyly birneshe mınýttyń ishinde tóleı alady. Aıta ketý kerek, ár klıent úshin árbir qyzmet boıynsha jeke QR-kod jasaqtalady.

QR-kod arqyly, mysaly, jer ýchaskesine aktilerdi daıyndaý jáne berý, jyljymaıtyn múlikke quqyqtardy, banktik qaryzǵa alý sharty boıynsha talaptar quqyǵyn berýdi, kondomınıým obektisin, zańdy tulǵalardy memlekettik tirkeý, sondaı-aq jer qatynastary, jyljymaıtyn jáne jyljymaly múlikter salasyndaǵy basqa da memlekettik qyzmetter úshin tólem jasaýǵa bolady.

Azamattar HQO-da memlekettik qyzmetterdiń aqysyn Homebank jáne Kaspi.kz qosymshasynda QR-kod arqyly kezeksiz, qaýipsiz jáne tez tóleı alady.

Uqsas jańalyqtar