Aımaqtar • 25 Aqpan, 2021

О́mirzaq Shókeev: «Turkestan Textile» ımportty almastyrýǵa oń áserin tıgizedi

25 ret kórsetildi

Túrkistan oblysynyń sportshylary, dárigerleri men mektep oqýshylarynyń arnaıy formalary «Turkestan Textile «BK» fabrıkasynda tigiledi. Kásiporynǵa 200 myńǵa jýyq arnaıy kıimge tapsyrys berildi, dep habarlaıdy Egemen.kz.

Oblys ákimi О́mirzaq Shókeev qysqa merzimde iske qosylǵan tigin fabrıkasynda boldy. Otandyq ónimniń úlesin arttyrýǵa yqpal etetin áleýmetti mańyzy bar kásiporyn, bilim berý jáne medısınalyq mekemeler men dene shynyqtyrý jáne sport basqarmalarymen birlese jumys istep, jergilikti qamtý úlesin arttyrýǵa yqpal etpek. «Búgingi tańda Úkimettiń negizgi maqsaty ishki naryqty qorǵaý jáne ulttyq ekonomıkany damytý bolyp tabylady. Bizdiń aldymyzda ımportqa táýeldilikten aryla otyryp, óz óndirisimizdi barynsha damytý mindeti tur. Osyǵan baılanysty fabrıka ónimi ımporttyń ornyn basýǵa oń áserin tıgizedi»,  dedi oblys ákimi.

Búginde zaýytta daıyn ónimniń baı assortımenti qalyptasqan. Máselen, tósek-oryn túrleri, jumys kıimderi, sporttyq jabdyqtar, medısına qyzmetkerlerine arnalǵan formalar otyndyq mamandardyń qolynan shyǵýda. Tutynýshy talaby eskerilgen. Baǵalar da qoljetimdi. О́ndiriste Baoyu jáne Jack fırmalarynyń 400-ge jýyq zamanýanı qural-jabdyqtary qoldanylady. Onyń 333-i avtomattandyrylǵan jáne sońǵy úlgidegi tigin mashınalary. Áıelderdi, onyń ishinde turmysy tómen otbasy múshelerin jumyspen qamtý maqsatynda iske qosylǵan áleýmettik joba barysynda 72 adam turaqty jumys tapty. Osy fabrıkaǵa jumysqa ornalasý úshin 180 adam tiginshiliktiń qyr-syryn meńgerýde. Sonymen qatar, munda teorııany óndirispen ushtastyra oqytý boıynsha Túrkistan kópsalaly qolóner kolledjiniń stýdentteri tájirıbe alýda.

Sońǵy jańalyqtar

Uqsas jańalyqtar