Parlament • 25 Aqpan, 2021

Olga Perepechına: Jergilikti bıýdjetterdiń respýblıkalyq bıýdjetke táýeldiligi basym

1 ret kórsetildi

Senattyń Qarjy jáne bıýdjet jónindegi komıtetinde múddeli memlekettik organdarmen kezdesý boldy. Onda jalpy sıpattaǵy transfertterdi anyqtaý tásilderin jetildirý máseleleri talqylandy, dep habarlaıdy Egemen.kz

Sondaı-aq, Esep komıtetiniń olardy qalyptastyrý aýdıtiniń qorytyndylary týraly aqparat tyńdaldy.

Komıtet tóraǵasy Olga Perepechına óz sózinde jalpy memlekettik jáne bıliktiń barlyq deńgeıleri arasyndaǵy basqarýdyń tıimdiligin qamtamasyz etýde, sondaı-aq bıýdjet qarjysyn utymdy paıdalanýda bıýdjetaralyq qatynastar máseleleri zor mańyzǵa ıe ekenin atap ótti.

11

Onyń aıtýynsha, búginde jalpy sıpattaǵy transfertterdiń qazirgi kólemi óńirlerdi damytýdaǵy úılespeýdi teńestirý mindetin óte baıaý júzege asyrýda. Jergilikti bıýdjetterdiń respýblıkalyq bıýdjetke táýeldiligi basym bolýy, bıýdjettiń kiris múmkindikterin boljaý problemalary saqtalyp otyr.

- Osy jáne basqa da faktorlardyń bolýyna baılanysty bıýdjetti josparlaý sapasyna, bıýdjetaralyq qatynastardy odan ári damytýǵa, turǵyndarǵa memleket kepildik bergen teńdeı qyzmetterdi usynýǵa teris áser etedi jáne tıisinshe jalpy sıpattaǵy transfertterdi qalyptastyrýdyń qoldanystaǵy ádistemesin neǵurlym tereń jetildirýdi talap etedi, - dedi Olga Perepechına.

111

Esep komıtetiniń tóraıymy Natalıa Godýnova da óńirlerdiń respýblıkalyq bıýdjetke táýeldi ekenin rastady. Ol jergilikti bıýdjet kiristeriniń jalpy kólemi úsh jyl ishinde respýblıkalyq bıýdjetten alynǵan qarajat úlesiniń 58%-yn quraǵany týraly derekti keltirdi. Bul donor óńirlerdi esepke almaǵanda bolǵan jaǵdaı. Budan basqa, Esep komıtetiniń tóraǵasy jalpy sıpattaǵy transfertterdi utymdy esepteýdi júzege asyrýǵa múmkindik beretin birqatar sharalardy usyndy.

Kezdesý barysynda qatysýshylar transfertterdiń osy túrin esepteýdi josparlaý jáne jetildirý máselelerin jan-jaqty talqylady.

 

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar