Qoǵam • 26 Aqpan, 2021

Kásipkerlerdi sybaılas jemqorlyqtan qorǵaý máselesi talqylandy

8 ret kórsetildi

Sybaılas jemqorlyqqa qarsy is-qımyl Agenttiginiń Shymkent qalasy boıynsha departamentiniń uıymdastyrýymen «Bıznesti qorǵaý - ózara is-qımyl, damý, problemalar jáne olardy sheshý joldary» taqyrybynda dóńgelek ústel ótti, dep habarlaıdy Egemen.kz.

Sharaǵa Departament basshysy A.Jumaǵalı, onyń birinshi orynbasary T.Serikbaev, qalalyq kásipkerler palatasy dırektory orynbasarynyń mindetin atqarýshy S. Adambekova, kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi Keńestiń tóraǵasy M.Seıtjanov, kásipkerlik jáne ındýstrıaldy-ınnovasııalyq damý basqarmasynyń basshysy B.Dúısebekov, «Ońtústik» arnaıy ekonomıkalyq aımaq basqarýshy kompanııasy» AQ basqarma tóraǵasy N.Dúısenov,  «Adal» advokattar keńsesiniń basshysy T.Esımov, óńirlik jáne shetel bıznes ókilderi qatysty.

Bıznes ókilderi qatysqan jıynda Departament basshysy Ashat Jumaǵalı bızneske qolaıly jaǵdaı jasaý jáne onyń damýy memlekettik saıasattyń negizgi baǵyttarynyń biri bolyp tabylatyndyǵyn atap ótti. Departament basshysynyń aıtýynsha  kásipkerlikti keshendi qorǵaýdy qamtamasyz etý maqsatynda Agenttikpen "Protecting Business and Investments, ıaǵnı bıznes pen ınvestorlardy qorǵaý" jobasy iske asyrylýda.

«Investorlardyń sybaılas jemqorlyqqa qarsy súıemeldeýge alynýynyń basty sharty memleketimizdiń aýmaǵynda adal jáne parasatty bıznes júrgizý boıynsha ózine mindetteme alý bolyp tabylady. Atalǵan joba  Departamentpen de júzege asyrylýda. Búgingi tańda jalpy somasy 78 mlrd. teńgege jýyq 45  joba súıemeldenýde», dedi Ashat Jumaǵalı. 

Jalpy alǵanda, ótken jyldyń ózinde bıznesti qorǵaý sheńberinde Departamentpen 30-dan asa kásipkerlik sýbektisiniń quqyqtary qalpyna keltirilip, olardyń qyzmetine zańsyz aralasqany úshin 13 laýazymdy tulǵa qylmystyq jaýapkershilikke tartylǵan. Sonymen qatar, dóńgelek ústelde kásipkerlik sýbektileriniń quqyqtary men zańdy múddelerin qamtamasyz etýge jáne qorǵaýǵa baılanysty atqarylǵan jumystar talqyǵa salyndy. Bıznesti qorǵaý máseleleri erkin formatta talqylanǵan jıynda quqyq buzýshylyqtardyń aldyn alý jáne uıymnyń iskerlik bedelin qorǵaý maqsatynda kvazımemlekettik jáne jeke sektor uıymdarynda korporatıvtik adaldyq standarttaryn saqtaýǵa jaýapty jemqorlyqqa qarsy komplaens-qyzmetter ınstıtýtyn qurý, ISO 37001 sybaılas jemqorlyqqa qarsy standartyn engziý joldary qarastyryldy.

Sondaı-aq kásipkerliktiń damýyna kedergi keltiretin ózekti problemalyq máseleler talqylanyp, bıznes ókilderiniń usynys-pikirleri tyńdaldy. Dóńgelek ústel sońynda «Nur-kz», «Býmprom», «Ekofarm Interneıshnl», «Green Cross Eco» JShS-men sybaılas jemqorlyqqa qarsy súıemeldeý boıynsha kelisim shartqa qol qoıyldy.

Sońǵy jańalyqtar

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Almaty qalasynda jer silkindi

Aımaqtar • 06 Mamyr, 2021

Uqsas jańalyqtar