Beıbit Atamqulov Senatta ótip jatqan «QR ónerkásiptik saıasatty zańnamalyq retteý: jaı-kúıi, problemalary jáne sheshý joldary» taqyrybyndaǵy Úkimet saǵatynda: «О́nerkásiptik saıasat máni boıynsha óndiristik naryqtyń barlyq qatysýshylarynyń birdeı jaǵdaı jasalýy kerek. Zań jobasynda ekonomıkalyq, ákimshilik, quqyqtyq, ınstıtýsıonaldyq jáne basqa jaǵdaılardy qamtıtyn ónerkásiptik klımat uǵymyn engizemiz. О́nerkásiptik klımattyń jaı-kúıin baqylaýdy Indýstrııa jáne ınfraqurylymdy damytý mınıstrligi júzege asyrady. Onyń nátıjeleri bolashaq kezeńderge arnalǵan ónerkásiptik saıasatty qalyptastyrý kezinde eskeriledi. Osy monıtorıng negizinde basqarý sheshimderi qabyldanyp, memlekettik organdar jumysynyń tıimdiligi baǵalanady», dep aıtty.
О́nerkásiptik saıasatty jáne memlekettik yntalandyrý sharalaryn iske asyrý úshin birinshi kezekte óndiriste saýda qyzmeti rettelip, ınvestısııa tartylyp, ınnovasııalardy damytý arqyly ónerkásiptik saıasatty qalyptastyrý men júzege asyrýdyń tıimdi vedomstvoaralyq úılestirýin qamtamasyz etýden turatyn ınstıtýsıonaldyq bazany shoǵyrlandyrý qajet.
«Búgingi tańda óndiriske qatysty fýnksııalar ártúrli vedomstvalar arasynda bólingen. Indýstrııalyq damý úshin Indýstrııa jáne ınfraqurylymdy damý mınıstrliginiń, saýda saıasaty jáne ekonomıkalyq ıntegrasııa – Saýda jáne ıntegrasııa mınıstrliginiń, ınnovasııalyq damý Sıfrlyq damý, ınnovasııa jáne aeroǵarysh ónerkásibi mınıstrliginiń, sheteldik ınvestısııalardy tartý Syrtqy ister mınıstrliginiń mindetinde. О́nerkásiptik saıasatty úılestirýdi qamtamasyz etý úshin negizgi zań jobasynda Premer-Mınıstrdiń orynbasary basqaratyn О́nerkásiptik saıasat jónindegi vedomstvoaralyq komıssııa qurý qarastyrylǵan. Al onyń músheleri memlekettik organdar basshylarynyń orynbasarlary, ónerkásiptik kásiporyndardyń ókilderi qoǵam qaıratkerleri, depýtattar jáne basqa da múddeli tulǵalar bolady», dedi ol.
