О́tken 2020 jyly ońtústik óńirlerdegi ózenderde sýdyń mólsheri az bolyp, onyń sýarmaly eginshilikke áser etkeni de jasyryn emes. Osyndaı jaǵdaı oryn almas úshin vıse-mıınstr Qyzylorda oblysynyń 2021 jylǵa vegetasııalyq kezeńge daıyndyǵyn pysyqtady.
«Sý sharýashylyǵy jaǵdaıyn eskere otyryp, bıylǵy jylǵa josparlanǵan kúrish alqabynyń kólemin 84,4 myń gektardan asyrmaý jáne sý únemdeý tehnologııalaryn engizý máselesin jandandyrý qajet»,- dep atap ótti Serik Qojanııazov.
О́z kezeginde «Qazsýshar» RMK Qyzylorda oblysy fılıalynyń basshysy Hamıt Beıimbetov osyǵan oraı, Fılıal tarapynan oblystyq aýyl sharýashylyǵy basqarmasyna jáne aýdan ákimdikterine bıylǵy jyly egiletin egis kólemin ındıkatıvtik jospardan asyrmaý qajettigi jóninde eskertý hattar jiberilip, artyq egilgen egistik úshin sý jetkizip berý qyzmetine shart jasalmaıtynyn jetkizdi.
Ekologııa vıse-mınıstri «Qazsýshar» RMK Qyzylorda oblysyndaǵy fılıalynda bolyp, sharýashylyq kanaldary men mehanıkalyq tazartý jumystaryn da pysyqtady.
«Qazsýshar» RMK fılıalynyń basshysy «Egistikke sý berý naýqanyna deıin 21,9 shaqyrym kanalǵa mehanıkalyq tazalaý jumystary (Kelintóbe magıstraldi kanaly (Qorjyn ýchaskesi), Shıeli aýdany O-2, R-10, R-7 kanaldarynda tazalaý jumystary júrgizilýde) oryndalýda», dep sózin jetkizdi.
Sonymen birge vıse-mınıstr «Aral-Syrdarııa basseındik ınspeksııasy» RMM, «Qyzylorda-1 ırrıgasııalyq-drenajdyq júıesi», «Qyzylorda oblysynyń Qyzylorda sý torabyn qaıta jańartý» jáne óńirdegi ózge de sý sharýashylyǵy nysandaryna baryp, sýdy paıdalanýshy sharýalardyń kókeıkesti máselelerin tyńdady.
Sondaı-aq, Serik Qojanııazov Sý resýrstary komıtetine Áıtek sý torabyndaǵy jóndeý jumystaryn bıylǵy jylǵy 10 sáýirge deıingi merzimde aıaqtaý, «Kókaral bógetin saqtap qalý jáne Syrdarııa ózeniniń atyraýyn qalpyna keltirý» jáne «Qyzylorda oblysynyń Qaraózek aǵysyndaǵy sýdy shoǵyrlandyrý úshin sý qoımasyn salý» jobalaryn, aǵymdaǵy jyly bastaý boıynsha sharalar qabyldaý sııaqty mindetter qoıdy.
Issapar sońynda Qyzylorda oblysy boıynsha jumys saparynyń hattamasy toltyrylyp, óńirdegi sý sharýashylyqtary nysandaryna, Qazsýshar fılıalyna, sondaı-aq Sý resýrstary komıtetine birqatar tapsyrmalar berildi.
