Prezıdent • 26 Aqpan, 2021

Qasym-Jomart Toqaev Túrkııa Prezıdentine quttyqtaý jedelhatyn joldady

896 ret kórsetildi

Memleket basshysy Qasym-Jomart Toqaev Túrkııa Prezıdenti Rejep Taııp Erdoǵandy týǵan kúnimen quttyqtap, túrik halqynyń ıgiligi jolyndaǵy asa jaýapty memlekettik qyzmetine tabys tiledi, dep habarlaıdy Egemen.kz Aqordanyń baspasóz qyzmetine silteme jasap.

– Sizdiń pármendi kóshbasshylyǵyńyz ben saraly saıasatyńyzdyń arqasynda Túrkııa óziniń turaqty damýyn jalǵastyryp, azamattarynyń yrys-berekesin eseleýde, yqpaldy aımaqtyq jáne halyqaralyq aktor retinde mereıin ústem etýde mol tabystarǵa qol jetkizýde. Osy tusta, elińizdiń tyń belesterdi baǵyndyrýyna baǵyttalǵan mańyzdy bastamalaryńyz ben josparlaryńyzdyń laıym ońynan shyǵýyna tilektestigimdi bildiremin, – delingen jedelhatta.

Qasym-Jomart Toqaev Rejep Taııp Erdoǵannyń eki el arasyndaǵy baýyrlastyq rýhyndaǵy yntymaqtastyqtyń jyldan-jylǵa órkendeýine, strategııalyq áriptestik aıasynyń keńeıýine qosqan úlesin óte joǵary baǵalady.

– Bıik deńgeıdegi mazmundy dıalog pen ekijaqty qarym-qatynastardy halyqtarymyzdyń ıgiligi úshin nyǵaıta túsýge daıyndyǵymdy qýattap, memleketterimiz múddelik tanytatyn kún tártibindegi ózekti máselelerdi talqylaý maqsatynda О́zińizben Qazaqstanda júzdesetinime úmit artamyn, – dep jazylǵan Qazaqstan Prezıdentiniń quttyqtaýynda.

Memleket basshysy Túrkııa Prezıdentine qajymas qaırat, zor baqyt, al túrik halqyna baq-bereke tiledi.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar