Aımaqtar • 27 Aqpan, 2021

Almatyda áleýmettik qor páterleriniń quny kóterilmeıdi

10 ret kórsetildi


Almaty qalasynyń О́ńirlik kommýnıkasııalar qyzmetiniń alańynda qaladaǵy memlekettik turǵyn úı baǵdarlamalaryn júzege asyrý barysy týraly onlaın-brıfıng ótti. Brıfıng barysynda Almaty qalasynyń «Otbasy bank» AQ fılıalynyń dırektorynyń orynbasary Danagúl Túsipova áleýmettik qor páterleriniń quny kóterilmeıtinin atap ótti.

Onyń aıtýynsha, áleýmettik baspana «Nurly jer» memlekettik baǵdarlamasynyń aıasynda engizilýde. Sáıkesinshe, baspana baǵasy osy baǵdarlamanyń aıasynda tirkelgen.

«Baǵanyń kóterilýi kútilmeıdi. Búgingi tańda Almaty qalasy boıynsha «Shańyraq» memlekettik baǵdarlamasy boıynsha  áleýmettik baspana, sonymen birge kredıttik baspana baǵasy 240 myń teńgege deıin», dep atap ótti ol.

«Shańyraq» baǵdarlamasynyń sharttary: tıimdi mólsherleme -jyldyq 5%, bastapqy jarna- 10%, qaryz alýdyń maksımaldy merzimi- 20 jylǵa deıin, maksımaldy  qaryz somasy - 18mln teńgege deıin. JAO kezeginde turǵandardyń barlyq sanatyndaǵylardyń qatysý quqyǵy bar.

Esterińizge  sala  keteıik,  Almaty  qalasynyń  ákimdigi  halyqty  qoljetimdi  jáne  qolaıly  baspanamen  qamtamasyz  etý  boıynsha  keshendi  jumystar júrgizýde.  Mysaly,  2020 jyly 2926 otbasy  baspanamen  qamtyldy.

Bıyl  8 myńnan astam  qala  turǵynyn  turǵyn  úımen  qamtamasyz  etý  josparlanǵan,  onyń ishinde :  HÁOT - 427,kópbalaly  otbasylar  - 452, Shańyraq - 3578, kredıttik  baspana - 1411, Almaty  jastary  -1000, jumys  isteýshi  jastarǵa  jaldamaly  baspana - 1050, Baqytty  otbasy - 374.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar