Parlament • 01 Naýryz, 2021

Máýlen Áshimbaev: Qoǵamda Alǵys aıtý kúni buqaralyq sıpatqa ıe bolyp keledi

9 ret kórsetildi

Parlament Senatynyń tóraǵasy Máýlen Áshimbaev qazaqstandyqtardy Alǵys aıtý kúnimen quttyqtady, dep habarlaıdy Egemen.kz.

«Búgin elimizde Alǵys aıtý kúni atalyp ótýde. Soǵan sáıkes azamattarymyz bir-birine alǵys aıtyp, rızashylyqtaryn jetkizip jatyr. Sondaı-aq, qıyn-qystaý jyldarda bizdiń jerimizge qonys aýdarylǵan túrli etnos ókilderiniń búgingi urpaqtary qazaq halqyna jáne qazirgi tańda ózderiniń de qasterli Otanyna aınalǵan Qazaq eline alǵys bildirýde. Bul – adamgershiliktiń, ádilettiliktiń jáne jasampazdyqtyń jarqyn kórinisi.

Elbasymyzdyń bastamasymen kúntizbemizge qosylǵan mereke tatýlyq pen turaqtylyqty, kelisim men dostyqty jáne birlik pen berekeni dáripteıdi. Munyń bári qazirgideı kúrdeli kezeńde asa mańyzdy qundylyqtar ekeni anyq. Sondyqtan bul kún Memleket basshysynyń da basty nazarynda ekenin aıta ketken jón.

Jyl ótken saıyn qoǵamda Alǵys aıtý kúni buqaralyq sıpatqa ıe bolyp keledi. Oǵan 1 naýryzda ultty uıystyratyn is-sharalardyń kóptep uıymdastyrylýy aıqyn dálel. Aldaǵy ýaqytta osy úrdis laıyqty jalǵasyn taýyp, bul meıram halqymyzdyń yrys-yntymaǵyn arttyrýǵa óz septigin tıgize beredi dep senemiz.

Osy múmkindikti paıdalana otyryp, barshańyzǵa aıryqsha alǵysymdy bildiremin. Qashanda judyryqtaı jumylyp, bir-birimizge qoldaý kórsetip, eldik múdde jolynda eseli eńbek ete bereıik. Ár shańyraqqa shattyq pen baq-bereke tileımin. Elimiz aman, jurtymyz tynysh bolsyn.

Táýelsiz Qazaq eli máńgi jasaı bersin!» delingen quttyqtaýda.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar