«Tótenshe jaǵdaı kezinde zamanaýı qorǵanys quraldaryn engizý jáne olardyń terrorızmge qarsy turaqtylyǵyn arttyrý arqyly bıologııalyq qorǵaıtyn júıelerdi jetildirý qajet boldy. Osyǵan baılanysty, 2021 jyly «Bıologııalyq qaýipsizdik týraly» zań ázirleýimiz kerek», - dedi Densaýlyq saqtaý mınıstri.
QR Densaýlyq saqtaý mınıstri Alekseı Soı E.Toǵjanovqa 2020 jyly sanıtarlyq-epıdemıologııalyq qyzmetti kúsheıtý úshin sanıtarlyq-epıdemıologııalyq baqylaý komıteti qurylǵanyn, sondaı-aq QR Bas memlekettik sanıtarlyq dárigeriniń mártebesi men ókilettigi artqanyn habarlady.
Budan basqa, qyzmet ınfraqurylymyn jańǵyrtý jáne eldiń bıoqaýipsizdigin qamtamasyz etý úshin jalpy somasy 55 mlrd.teńgege 2022–2025 jyldarǵa arnalǵan qosymsha qajettilik esebi júrgizildi. Qyzmetti sıfrlandyrý tujyrymdamasy ázirlendi, ony 2025 jylǵa deıin aıaqtaý josparlanyp otyr.
Osy zańdy iske asyrý sheńberinde baqylaý júıesin jetildirý úshin halyq densaýlyǵyn baǵalaý, taldaý jáne boljaý júıesin damytý, sondaı-aq qaterler men táýekelderge den qoıý úshin 38 NQA-ǵa túzetýler engizý kózdelip otyr.
Sanıtarlyq-epıdemıologııalyq qyzmettiń ınfraqurylymyn jańǵyrtý úshin 2,9 mlrd.teńge somasyna 459 birlik zerthanalyq jabdyq jáne KVI men asa qaýipti ınfeksııalardy dıagnostıkalaý úshin 12 birlik mobıldi keshen satyp alyndy.
2022-2024 jyldary komıtettiń aımaqtyq bólimsheleriniń 54 ǵımaratyna jóndeý júrgiziledi. 3 jańa zerthana ǵımaratyn salý jáne Ulttyq saraptama ortalyǵynyń 27 ǵımaratyn jóndeý josparlanǵan. Komıtettiń aýmaqtyq bólimshelerine 64 birlik avtokólik satyp alynady.
